Dy ish-drejtuesit e prokurorisë së Krimeve të Rënda, Olsian Çela e Besim Hajdarmataj kanë fituar betejën me Arta Markun.
Gjykata Administrative pranoi paditë e dy prokurorëve të cilët i transferoi Kryeprokurorja e Përkohshme në rrethe pas një debati që u zhvillua për shortin e dosjes Shullazi.
Ndër të tjera, Administrativja argumentoi se urdhrat e Markut për transferim ishin në kundërshtim të plotë me ligjin. Vendimet i hapën rrugë rikthimit të dy prokurorëve tek Krimet e Rënda, pasi afati 3 mujor i transferimit ka përfunduar.
Sipas burimeve, KLP pritet të mblidhet ditën e premte për të diskutuar për rastin e prokurorit Çela, pasi ky i fundit e ka vënë në lëvizje përmes një shkrese.
Fakti, nëse vendimet mund të ankimohen dhe nëse po nga cili institucion, mbetet ende i pa qartë.