Kryeministri Edi Rama dhe bashkëshortja e tij Linda, janë takuar në Shtete e Bashkuara të Amerikës me presidentin Joe Biden dhe Zonjën e Parë, Jill Biden. Kreu i qeverisë shqiptare merr pjesë në sesionin e 77 të Asamblesë së Përgjithshme të OKB.
“Foto e ditës” shkruan Edi Rama, teksa ndan pamjet krah presidentit Joe Biden dhe bashkëshortes së tij, i shoqëruar nga Linda Rama.
Në takimin që zhvilloi dje me krerë të shteteve dhe qeverive në Nju Jork, Harvard Club, Rama foli për sulmet e shumëfishta ndaj Shqipërisë, ku informoi se së fundmi sistemet digjitale të qeverisë shqiptare u sulmuan nga Republika Islamike e Iranit.
Ky përfundim u arrit pas një ekspertize të detajuar të skuadrës Microsoft dhe skuadrës së agjencive të specializuara amerikane. Kryeministri u shpjegoi homologëve të tij, se për këtë arsye u ndërprenë në mënyrë të menjëhershme marrëdhëniet diplomatike me Iranin.
