Pas përplasjes së fundit publike me Edi Ramën, gazetari Arjan Konomi thotë se është kërcënuar përmes telefonit nga një person që i është prezantuar si i afërm i Linda Ramës.
Në një video të publikuar prej tij në rrjetet sociale Konomi shprehet se personi që e ka telefonuar i është prezantuar si kushëri i Linda Ramës dhe e ka paralajmëruar që të mos përmendë më emrin e saj.
“Provo ta përmendësh edhe njëherë emrin e Linda Ramës dhe do ta shikosh se do flasim ndryshe pastaj. E kupton vetë ti se je djalë i zgjuar”, është shprehur Konomi, duke cituar fjalët që sipas tij i janë thënë gjatë telefonatës.
Konomi thotë se për ngjarjen ka shkuar në Komisariatin e Himarës, ku ka paraqitur kallëzimin e tij dhe ka deklaruar se ndihet i kërcënuar.
Zjarr Tv Ad
