Një ngjarje e rëndë është regjistruar në Rodope të Greqisë ku një burrë me origjinë nga Shqipëria ka vrarë me thikë bashkëshorten e tij, gjithashtu shqiptare. Mandej, 44-vjeçari ka tentuar të vrasë dhe veten duke pirë naftë.
Çifti i bashkëshortëve janë prindër të 3 fëmijëve. Ngjarja e rëndë ka ndodhur brenda në shtëpi dhe ka qenë një prej fëmjëve që ka telefonuar policinë. Policia ka gjetur dy thika në vendngjarje, të cilat do të ekzaminohen si pjesë e hetimit. Shkaqet e konfliktit mes çiftit janë ende të paqarta ashtu dhe rrethanat.
44-vjeçari është dërguar në spital ku po merr përkujdes mjekësor ndërsa mediat greke raportojnë se ky nuk ishte i vetmi incident i ndodhur mes çiftit. Në vitin 2022 një konflikt kishte ndodhur mes tyre në Kretë ku më pas gruaja e kishte paditur bashkëshortin për kërcënime.
Kjo ngjarje pason një tjetër të ndodhur më 23 gusht, ku shqiptari Altin Allmuça qëllon për vdekje me armë zjarri 45-vjeçaren Julieta Obzova e më pas veten e tij. Dy trupat e pajetë u gjetën në hyrjen e një pallati në rrugën “Grigoriou Kydonion 3” ku 45-vjeçarja banonte së bashku me të bijën 16-vjeçare.
