Kryetari i Bashkisë Durrës, Vangjush Dako, ka vendosur se pas akuzave të PD-së dhe kreut të partisë, Lulzim Basha, Dako ka vendosur që ta ndjekë çështjen në Gjykatë.

Lajmin e bën të ditur vetë Dako në një reagim të ashpër në Facebook, ku mes fyerjesh e akuzash shkruan:

“Kam vendosur ta çoj në gjyq Lulëzim Bashën, si një shpifës profesionist që e ka kaluar cakun e tolerancës time.

Ky njeri që gënjen sy për sy kë t’i dalë përpara, një i paaftë që si kryetar bashkie la kokrrën e namit me paaftësinë e me gënjeshtrat e tij dhe si kryetar i opozitës e ka bërë qesharake Partinë Demokratike, duhet të përgjigjet përpara drejtësisë për shumë gjëra.

Por nëse për ato të rëndat fare me dëme ekonomike kolosale, do t’i japë patjetër përgjigjet e veta përballë institucioneve të reja të reformës në drejtësi që ai po bën çmos ta bllokoje, me mua do të përballet e do të përgjigjet përpara gjykatës për shpifjet e tij prej mashtruesi profesionist.

Kam marrë vesh që ky karafil nuk shkon në gjyqet ku e çojnë njerëzit që i akuzon me shpifjet e tij ordinere!

Por vjen s’vjen në gjyq të perballet me modelin e shpifur politik që ai mishëron, unë e kam ndarë mendjen që të mos i ndahem derisa të gjithë baltën e tij ta gëlltisë mbrapsht në sytë e gjithë popullit”.

Pas dëgjimit të 4 kandidatëve të Shoqërisë Civile, Avokati i Popullit ia ka përcjellë Kuvendit emrat e tyre, njëri prej të cilëve pritet të jetë anëtari i Këshillit të Lartë të Prokurorisë.

Andi Murataj, Mimoza Cinami, Alfred Balla dhe Entela Baci janë emrat e kandidatëve që konkurrojnë për një vend në KLP, organ nga i cili duhet të zgjidhej Kryeprokurori i përgjithshëm.

KLP-ja duhet të ishte ngritur që në muajin prill, por situata u bllokua prej Shoqërisë Civile, që nuk paraqiti asnjë kandidat.