Nje shperthim eksplozivi ka ndodhur sot ne mengjes ne Tirane.
Burimet zyrtare thane se më datë 07.02.2017, rreth orës 05:32, në afërsi të Kopështit Botanik, tek një palestër, ka ndodhur një shpërthim, i cili dyshohet të ketë ndodhur si pasojë e vendosjes së një sasie të vogël lëndë të dyshuar eksplozive në murin e jashtëm të palestrës.

Si pasojë e këtij shpërthimi ka patur vetëm dëme të vogla materiale (thyer xhamat).

Grupi hetimor po punon për sqarimin e rrethanave të ngjarjes dhe identifikimin si dhe kapjen e autorëve të kësaj vepre.

Kryeparlamentari Ilir Meta ka marrë pjesë në Konventën Zgjedhore të Njësisë 6 në Tiranë.
Meta në fjalën e tij ka theksuar se bashkëpunimi është çelësi i suksesit.
“Kur bashkëpunohet, kur punohet me prioritetet të qartë e të qëndrueshëm progresi është i sigurt. Kjo filozofi do të vazhdojë të na japë sukses edhe në të ardhmen”, është shprehur kryetari i Parlamentit.///

Kryeministri Rama dhe kreu i opozitës Lulzim Basha janë përplasur në distancë për reformën në sistemin energjetik.Gjatë një aktiviteti për këto reforma, Rama u shpreh se do të vijojnë lehtësirat për familjet debitore dhe në nevojë, ndërkohë që lançoi edhe projektin më të ri për leximin elektronik të energjisë.

I menjëhershëm ka qenë edhe reagimi i kreut të opozitës Lulzm Basha. “Ndërsa Edi Rama me shpurën e tij ka dy orë që flet direkt në çdo televizion të vendit për arritjet e tij në fushën e energjisë, e gjithë zona e Tiranës në rrugën e Elbasanit është pa drita.

Mijëra familje anembanë Shqipërisë gjithashtu. Nuk ka skenë më domethënëse: fasada me drita që krijon Edi Rama në televizion dhe realiteti i errët i shqiptarëve. Edi Rama u premtoi qytetarëve se do ua ulte çmimin e energjisë, por ua rriti. I futi shqiptarët e pamundur në ankth e terror për mospagimin e dritave. Ata që nuk paguan dot i çoi në burg. Të tjerë kaluan në dëshpërim dhe vranë veten nga pamundësia”,  u shpreh Basha.

Më tej lideri i PD-së i bën thirrje qytetarëve për tu bashkuar në protestën 18 shkurtit për t’i thënë ndal kësaj politike që ka braktisur qytetarët dhe mendon vetëm për pushtetarët.///

Muri në Mitrovicë,  veçmas këto 2 javët  e fundit,  gjithënjë e  më shumë  është  duke  patur implikime dhe ndërlidhshmëri me realitetin në Luginë të Preshevës. U dëgjuan  edhe opsione  politike, por të cilat  nuk kishin  qëndrueshmëri në asnjë  aspekt tjetër, si ajo për  shkëmbim territoresh( pra një formë të  ndarjes së Kosovës).

Derisa këto dy  ditët  e fundit, u njohëm në  medie, që është  arritur një  marrëveshje  për heqjen  e  Murit në  Mitrovicë- kjo  është njëra anë  e  marrëveshjes, që  pala  Shqiptare i referohet, porse pala serbe i referohet  anës tjetër  të marrëveshjes- koncesionit të  bërë,  që paralajmrojnë  një “mur tjetër  edhe më të  lartë”! Praktikisht dhe realisht asnjë  marrëveshje  në  botë  nuk  bëhet  vetëm  me  lëshim të  një pale, por  në çdo rast dy palët   bëjnë  lëshime!

Për një gjë  jemi të  sigurtë, që  edhe pse  pala  Shqiptare nuk është duke  e thënë  ende, në këtë  marrëveshje  është edhe  lëshimi  ynë! Me këtë  Serbia, përmes  instrumentalizimit të  minoritetit  serb të  veriut të  Kosovës, në një të ardhme  jo më larg sesa 1 vit, do  shkaktoj një  “veprim të ri”, sipas gjitha  mundësive do jenë  me  efekte  politike të  ngjajshme  apo edhe më të mëdha!

Derisa problemet  e brendshme të  Kosovës, dialogohen  në Bruksel me një shtet tjetër( Serbinë), nga  ana tjetër  Lugina  e  Preshevës, mbetet plotësisht  e  harruar, edhe pse ishte  premtu ndërkombtarisht zgjedhja e Statusit Politik me dialog! Derisa problemi i Luginës së Preshevës, që në  2001, ishte  i njohur  ndërkombtarisht,  por që  pastaj në  vazhdimsi  minimizohej, ndërsa i Kosovës  Veriore, është  ngritur më pas!

Ne Lirinë  kërkojmë  vetëm kur armiku na detyron!( fatkeqësisht)

Lugina  e Preshevës, veçmas spektri i saj  politik, uroj  e dua t’i paralajmëroj që  mos të  kapemi sërish  në befasi, me këtë  “murin e ri të paralajmëruar”! “Veprimi i ri” që do ndërmarrin  Serbia përmes serbëve  të veriut, është  e rëndësishme  jo vetëm për  çështjen  interne të  Republikës së Kosovës. Rusia njejtë  vepron  në shumë vende të  botës( kujto: Ukrainën, Sirinë, por edhe  shumë  vende të tjera), njejtë edhe  Serbia është   në  Ballkan!

Derisa bota ka sytë  në  Ballkan,  të  njohur si dialogu  Kosovë-Serbi, derisa historia na tregon  rastin e Dejtonit( kur Kosova përjashtohej  nga   trajtimi- e mos të përmend  raste të tjera), e që  pastaj  pasoi Lufta  e përgjakshme! Një  gjë të  tillë mos  t’ia  lejojmë  Qytetarve  tonë  në Luginë, që  shkaku i mosbërjes pjesë të  dialogut edhe Statusi politik i saj të mbetet peng  i një lufte  të  ardhshme( të gjithë  që do ju thonë, s’do ketë  luftra, vetëm ju  mashtrojnë)! Heshtja  juaj( e politikanve të Luginës), mba   në vete edhe përgjegjësinë dhe fajësinë, për çdo kalvar  i ardhshëm i Luginës!

T’i paraprijmë Lirisë së Luginës, mos të presim të na detyroj  armiku!

Mos të harrojmë, derisa  e lejojmë që Serbia të  veproj lirshëm kundër  Atdheut tonë( në Kosovë), e ne  Lugina e  Preshevës  shikojmë, nesër  po kjo do veproj lirshëm kundër  Luginës, derisa Kosova do shikoj!

Qeveria e Kosovës,  duhet  të  kordinohet   dhe që t’i udhëzoj edhe qeverinë  lokale të Luginës, që nga  dialogu Kosovë-Serbi, të nxjerrin  më shumë  lëshime nga Serbia!( derisa hyhet në  dialog, synimi  kryesor  është  përfitimi i sa më shumë  lëshimeve-koncesioneve të palës  tjetër)!

“Muri tjetër” mos t’a zë Luginën  në befasi, e pastaj të  dalin edhe më shumë zëra, duke tentu ta arsyetojnë një opsion  politikë, duke  coptu një pjesë tjetër të Atdheut.

ZGJOHU LUGINË, LIRIA NUK FALET!

Në një deklaratë për mediat, drejtori i policisë së Tiranës, Ervin Hodaj njofton se është shkatërruar banda e prostitucionit në kryeqytet, ndërsa 11 persona janë arrestuar. Ai pohoi se mes të arrestuarve ka dhe femra. Ai bëri të ditur dhe formën se si rekrutoheshin vajzat.