Shqipëria po përjeton një periudhë të vështirë që për disa shkon në kufijtë e mbijetesës dhe për disa të tjerë ka përfundua tragjikisht.

Në Sarandë sot u gjet i vdekur një 53-vjeçar i cili humbi jetën nga i ftohti. Ai nuk kishte një strehë ku të mund të jetonte dhe vdiq në mes të acarit në një isb-banesë të braktisur, në kushte të mjerueshme.

Më herët në Durrës u gjet i vdekur një 38-vjeçar, gjithashtu i pastrehë.

Shkon në dy numri i viktimave prej të ftohtit, gjendet një person i vdekur në Sarandë

Autoritetet thonë se po bëjnë përpjekje të shpëtojnë njerëzit e pastrehë dhe bëjnë thirrje që kush ka informacion për njerëz që jetojnë rrugëve të njoftojnë policinë në numrin unik 129 i aksesueshëm nga celularët dhe numrat fiks.

Sakaq, gripi i ka marrë jetën disa personave, ku zyrtarisht dy janë të konfirmuar, por mjekët flasin për të paktën pesë raste të njerëzve kryesisht në moshë të thyer të vdekur nga gripi.

Kurse të paktën dhjetë persona të tjerë janë në gjendje të rëndë për shkak të prekjes nga virusi i gripit.

Nga Instituti i Shëndetit Publik konfirmohet se deri më tani në gjendje të rëndë shëndetësore janë 10 persona, 3 prej të cilëve të shtruar në reanimacionin e spitalit të mushkërive “Shefqet Ndroqi” dhe 2 në reanimacionin e Spitalit të Vlorës.

Nga Elbasani, ministri i Shëndetësisë, Ilir Beqaj, tha sot se qendrat shëndetësore edhe spitalet janë në gatishmëri edhe ditën e shtunë dhe të diele.

I ftohti rekord në Tiranë, një shtetasamerikan strehohet në një prej qendrave sociale

“Situata vazhdon të jetë problematike, ende intensiteti i sëmundjes është i lartë, edhe pse dy ditët e fundit jemi përpjekur që të administrojmë me një bashkëpunim midis spitaleve dhe qendrave shëndetësore. Sot është e diele megjithatë i gjithë kujdesi shëndetësor parësor në qytetet kryesore të vendit është në shërbim të vizitave për të qenë më pranë qytetarëve, por edhe për të ulur sado pak ngarkesën që kanë spitalet tona”, tha Beqaj.

Shqipëria “ngrin” nga akulli dhe dëbora, acariarrin kulmin

Ndërkohë, temperaturat e ulëta deri -20 gradë Celsius kanë krijuar vështirësi jetese dhe qarkullimi rrugor është rënduar shumë nga reshjet e dendura të dëborës.

Emergjencat Civile njoftojnë se, pavarësisht ndërprerjes së reshjeve të dëborës, ka ende akse rrugore nëpër fshatra të njësive administrative të zonave të thella malore që nuk janë hapur plotësisht.

Një person është gjetur i vdekur në Sarandë në një banesë të braktisur.

Viktima Leonard Beqiri 54 vjeç, dyshohet të ketë gjetur vdekjen prej të ftohtit dhe kequshqyerjes.

Ai u gjet gjatë së dielës në kushte të mjerueshjme dhe acari në një banesë të braktrisur në lagjen nr.2. Mësohet se ai jetonte i vetëm si endacak dhe se nuk kishte familje, ndërkohë që vijojnë hetimet për zbardhjen e rrethanave të mëtejshme rreth kësaj ngjarje, për shkak se dyshohet që ai të ketë qenë i alkoolizuar.

Me rastin e të ndjerit Beqiri, shkon në dy numri i viktimave prej të ftohtit, pasi ditën e djeshme një tjetër person gjeti vdekjen në Durrës.

I ndjeri, Arben S., 38 vjeç, banues në Durrës, u gjet i pajetë gjatë së shtunës në lagjen Nr.17 të qytetit bregdetar.

Nga këqyrja e kufomës mësohet nuk janë evidentuar shenja dhune. Pasi është identifikuar në listën e personave pa banesë, 38-vjeçari që nihej në zonë me emrin Beni, është kërkuar gjatë mbrëmjes së djeshme nga specialistët e zonës dhe shërbimet e rendit për ta sistemuar në ambientet e Policisë, por nuk është mundur të gjendet i gjallë.

Kryedemokrati Lulzim Basha reagon lidhur me shtyrjen e nisjes së mësimit deri më 16 janar, për shkak të gripit dhe të ftohtit.

Kreu i Partisë Demokratike thotë se shkollat po mbahen të mbyllura dhe nxënësit larg bankave, për shkak të të ftohtit, dhe jo të gripit. Sipas tij, gripi është pretekst për të shmangur tragjedinë që mund të shkaktohet nga mungesa e kushteve minimale.

Basha shton se, shkollat ku shkojnë pjesa më e madhe e fëmijëve, janë pa ngrohje, pa xhama, janë akull të ftohta dhe prandaj edhe temperaturat e këtyre ditëve janë rrezik i vërtetë për fëmijët.

“Edi Rama ka harxhuar 400 milionë euro për projektin megalloman dhe abuziv të fasadave dhe shesheve. Ndërkohë i ka lënë shkollat e vendit në gjendje të mjeruar. Për shkollat Edi Rama ka deklaruar se nuk ka para, ndaj ka vendosur që t’ia u japë edhe ato me koncesion klinetëve të tij”, shkruan ai, në një postim në Facebook.

Në këtë linjë shton se gripi që qeveria po përdor si pretekst për mbylljen e shkollave, sipas tij, është shenja më e qartë e falimentimit të sistemit të shëndetësisë.

Kreu i opozitës thotë se mbi 300 milionë euro koncesione ka dhënë Edi Rama në shëndetësi, para që po shkojnë për klientët e tij pa i sjellë asnjë përfitim njerëzve, asnjë përfitim të sëmurëve.

Ndërkohë që qeveria nuk ka fonde për të vaksinuar grupet e njerëzve që rrezikohen më shumë nga gripi, siç thotë kreu i opozitës, tashmë është e qartë se reformat e bujshme rilindase kanë qenë propaganda për të verbuar njerëzit, faqe grabitjes së pasurive dhe fondeve publike me të cilat po pasurohet Edi Rama dhe klientët e tij.

“Çdo ditë që Edi Rama qëndron në pushtet është një ditë e keqe për ne dhe të ardhmen tonë. Le ta ndalim së bashku këtë të keqe. Le ta vëmë qeverinë në shërbim të njerëzve”, shkruan në mbyllje Lulzim Basha.