Një makinë e qëlluar me breshëri plumba është gjetur në orët e mëngjesit të sotëm në aksin rrugorë Lezhë-Laç.
Nga hetimet e para është konstatuar se vetura Golf 4 është qëlluar me plumba. Policia ka nisur hetimet pa dhënë detaje për ngjarjen.
makina5
Siç raporton Panorama, brenda automjetit nuk ka pasur shenja gjaku

Një i moshuar është vënë në prangat e Policisë së Tiranës pasi ngacmonte fqinjën 33-vjeçare, duke i kërkuar takim dhe lidhje.
Xhemal H., 67 vjeç, banues në rrugën “Myslym Shyri”, ishte denoncuar për ngacmim nga 33-vjeçarja me iniciale N.K., e cila banonte në një prej pallateve në të njëjtën rrugë, por disa metra më tej banesës së 67-vjeçarit. Sipas të dëmtuarës, i moshuari kishte rreth dy muaj që e ngacmonte, e shqetësonte dhe i kishte shkaktuar edhe gjendje ankthi në disa raste.

Përveç mesazheve që i dërgonte vazhdimisht dhe orar pa orar në telefonin e saj, duke i kërkuar takim dhe lidhje, ai e shqetësonte edhe në rrugë kur përballej me të. I moshuari i kishte shkaktuar panik të resë teksa e priste në shkallët e pallatit, në errësirë, duke e ngacmuar edhe seksualisht në ndonjë moment. Pasi kuptoi që fqinji i saj nuk kishte ndërmend të dorëzohej, 33-vjeçarja u bind për të bërë kallëzim në polici. Policia më pas ka vënë në pranga 67-vjeçarin, pasi ka sekuestruar si provë materiale edhe disa prej mesazheve që ai i kishte dërguar në celular vajzës që e denoncoi. Ndërsa vetë i dyshuari nuk ka pranuar ta ketë ngacmuar seksualisht, duke thënë se thjesht kishte dëshirë të njihej me të.

Është finalizuar sot realizimi i projektit më të rëndësishëm të bashkisë së Beratit, ai i riciklimit të mbetjeve në qytet. Përfaqësus të bashkisë Berat e asaj të Veronë dhe firmës zbatuese “AMIA” kanë finalizuar këtë marrëveshje dhe pritet që në 17 Shkurt të fillojnë hapat e para për zbatimin e projektit të mbledhjes, depozitimit dhe riciklimit të mbetjeve urbane, që për disa kohë u la pezull për shkak të mungesës së një terreni të përshtatshëm për ndërtimin e këtij Landfilli.
Pas miratimit nga ana e bashkisë Berat të memorandumit të bashkëpunimit mes dy bashkive, kompania AMIA dhe firma e pastrimit të qytetit të Beratit do të implementojnë zbatimin e projektit, duke filluar nga prej grumbullit të mbetjeve, ndarjen e tyre në kontenierë dhe depozitimin e riciklimin në vendin e caktuar. N/kryetari i bashkisë Berat, Bledar Blana, e ka cilësuar këtë projekt mjaft të rëndësishëm, për të pasur në të ardhmen një qytet sa më të pastër. Përfaqësuesi i bashkisë së Veronës, Diego Testi, është shprehur se, pas firmosjes së memorandiumit gjithçka është gati për të filluar zbatimin e projektit, duke filluar në ditët e para me informimin e nxënësve të shkollave dhe qytetarë se si të ndryshojnë sjelljen dhe mënyrën e tyre përsa i përket mbetjeve. Duke qënë se të dyja bashkitë, bashkia e Veronës dhe ajo e Beratit, ka thënë Testi, janë dy bashki pjesë e UNESCO-s,do mundësohet që fillimi i sezonit të ri turistik ta gjeje Beratin dhe lagjet e tij muzeale me një ambjent sa më të pastër. Fismosja e memorandumit në 17 Shkurt, tha Testi, na autorizon ne që të fillojmë punën në terretorin e bashkisë Berat, duke sjellë në vendin e përcaktuar të gjitha pajisjet e nevojshme për finalizimin e këtij projekti.