Rrjeti social Facebook po punon për të bërë të mundur që përdoruesit të jenë të informuan nëse po përgjohen ose jo nga qeveria.

Shefi i Sigurisë së Informacionit në “Facebook”, Alex Stamos bën me dije se, “ndërsa ne kemi marrë gjithmonë hapa për të siguruar llogaritë që besojmë se janë nën përgjim, ne kemi vendosur për këtë masë shtesë paralajmërimi, nëse do të kemi një dyshim të fortë nëse dikush synon të përgjojë llogarinë tuaj”.

“Facebook” gjithashtu theksoi se këto njoftime nuk tregojnë se është në rrezik i gjithë sajti. Urojmë që mos të merrni asnjëherë njoftime të tilla, por, edhe nëse ndodh një gjë e tillë, ju duhet të ndryshoni menjëherë fjalëkalimin.