Një 44-vjeçar është arrestuar nga policia pas kapjes në flagrancë duke kryer ndërhyrje të paligjshme në monumentin e kulturës “Ura e Vashës” dhe duke ndërtuar një objekt pa leje pranë saj.
Sipas njoftimit të Policisë, specialistët për Hetimin e Krimeve të Komisariatit të Policisë Mat evidentuan dhe arrestuan shtetasin M. S., banues në fshatin Fshat, Klos, gjatë një kontrolli rutinë të territorit për parandalimin e krimeve mjedisore.
44-vjeçari dyshohet për veprat penale “Shkatërrimi i veprave kulturore” dhe “Ndërtimi i paligjshëm”, pasi u kap duke kryer punime të paautorizuara në monument dhe ndërtimin e një objekti pa lejen përkatëse. Policia shton se monitorimi i territorit për goditjen e paligjshmërive vijon.
Zjarr Tv Ad
