“Gazetarët shkojnë tek kriminelët por shteti jo”, analisti për zhdukjen e Ervis Martinajt: Shteti, në shërbim të kriminelëve

0
82
Zjarr Televizion Ad This is a sample article. ...

Publikimi i një videoje të Ervis Martinajt, i cili del nga një hotel në Durrës vetëm pesë ditë para zhdukjes së tij, analisti Arion Sulo, ka deklaruar se jetojmë në kohë jo normale, përderisa është e mundur që gazetarët të shkojnë tek kriminelët e kërkuar, ndërsa shteti dhe institucionet nuk munden.

Në emisionin “Në shënjestër” me gazetaren Klodiana Lala, nga ku u publikuan pamjet ekskluzive, ai shtoi se është e turpshme që Martinaj shoqërohej dhe mbrohej nga një efektiv operacional elitë që në fakt ka për detyrë kapjen e personave në kërkim, siç ishte edhe Martinaj.

“Situatë turpëruese për shtetin dhe institucionet e zbatimit të ligjit, rendit e prokurorisë. Po jetojmë në një kohë absurdi kur gazetarët shkojnë më shpesh tek kriminelët e kërkuar se vetë institucionet. Ndjehem i zhgënjyer dhe pothuaj i turpëruar për nivelin e institucioneve tona.

Sata është pesë gusht, Martinaj është i kërkuar por futet në një hotel edhe pse është i kërkuar nga Krimet e Rënda, për komplot vrasjeje ndaj rivalëve. Policia e prokuroria e shteti se gjen dot, e gjen gazetarja, familjarët në kontakt, vetëm institucionet nuk e e gjejnë. Turpërimi është që shoqërohet nga një efektiv i policisë operacionale.

Nuk është ky rasti i parë. Është shumë e tmerrshme, sepse atë uniformat blu janë duke e ruajtur, truproja e shoferi është një polic në dijeni të lëvizjeve të policisë, duhej ta kapte por ishte në shërbim të tij, ndaj Martinaj dilte në mes të Durrësit i shkujdesur. Shteti është vënë në shërbim të kriminelëve”, tha ai./sot.com.al

Zjarr Tv Ad