Janë gjetur të murosura në muret e një vile në Senago, provinca e Milanos, teksa po kryheshin punime restaurimi, eshtrat e një personi
Personi i murosur mendohet të ketë vdekur 5 vjet më parë dhe karabinierët po shqyrtojnë denoncimet e bëra për zhdukje personash rreth asaj kohe, sidomos për emra të lidhur me kriminalitetin.
Mes atyre ku dyshon fort policia italiane është edhe një qytetar shqiptar, i cili u zhduk në Genova më 2013.
Eshtrat e gjetura nga punëtorët janë dërguar nga prokuroria e Monzas në laboratorin e antropologjisë shkencore ku po shqyrtohen nga mjekët dhe ekspertët për ta identifikuar.
Ndërkaq karabinierët vazhdojnë punën në vendin ku u gjetën eshtrat, një banesë historike e shndërruar në kompleks rezidencial luksoz.
Eshtrat, të ruajtura në gjendje të mirë, ishin në një lloj pusi rreth 15 metra të thellë nga i cili futeshe përmes një vrime në mur.
Karabinierët dhe zjarrfikësit kanë gjetur edhe një xhuboks dhe copa veshjesh të tjera.
Duke u nisur nga denoncimet për zhdukje pesë vjet më parë, hetuesit kanë individualizuar një profil që i korrespondon kufomës, bazuar edhe në tipin e veshjes në momentin e zhdukjes.
Qytetari shqiptar mbi të cilin po hetohet kishte precedentë penalë.
Gjithsesi, konfirmimi mund të vijë vetëm pas analizave laboratorike.
Autopsia do të konfirmojë nëse ka qenë apo jo vrasje, e cila është hipoteza më e mundshme për hetuesit.
