Deputetja e Partisë Demokratike, Ina Zhupa ka zhvilluar sot një takim me presidentin Bajram Begaj, ku i ka kërkuar që të mos dekretojë ligjin për Akademinë e Shkencave.
Në një deklarate për medie, Zhupa u shpreh se e kishte informuar kreun e shtetit për shkeljet në këtë ligj, i cili u miratua pa mbledhje të rregullt të Komisionit.
“Ligji për Akademinë e Shkencave shkel kushtetutën, pasi është ligj i qepur si kostum për Gjinushin. I kam kërkuar presidentit që të mos dekretojë ligjin për Akademinë e Shkencave.
Shprehu interes për të dëgjuar dhe për të shqyrtuar shkeljet e konstatuara. Për mua është me rëndësi që procesi të shikohet si proces që nuk ka të bëjë vetëm me akademinë e Shkencave, por gjëra që lidhen drejtpërdrejtë me qeverinë.
E vlerësova presidentin për takimin që organizoi dhe për dëgjesën me mua. Mendoj se presidenti do të respektojë kushtetutën e vendit dhe do të qëndroj në mbrojtje të kushtetutës.”,-u shpreh Zhupa.
