Kryeministri i Kosovës, Albin Kurti gjatë mbledhjes së ditës së sotme i përlotur ka mbajtur një fjalim para kabinetit qeveritar për Marigona Osmanin, 18-vjeçarja e cila u vra barbarisht nga bashkëshorti dhe shoku i tij.
Kurti tha se nuk duhen lejuar më që këto raste të përsëriten dhe se nuk e imagjinon torturën që 18-vjeçarja ka kaluar gjatë orëve të fundit të jetës së saj.
Më tej kryeministri shtoi se organet përkatëse duhet të marrin përsipër edukimin social të qytetarëve.
“Ne u ndjemë të pafuqishëm përballë një rasti të jashtëzakonshëm. Unë nuk guxoj të imagjinoj orët e fundit të jetës së vajzës së brishtë dhe të re. Një indivferencë e përgjithshme nga rrethi dhe organet e drejtësisë ka bërë që në kokat tona të mbeten emra grash viktima të në dhune të jashtëzakonshme.
Nuk duhet të lejojmë që emra të tjerë grash të mbeten viktima të sjelljes barbare. Një edukim i tërë shoqëror duhet të thellojë ndjeshmërinë dhe respektin. Dueht të edukuar shpirti dhe arsyeja”, tha Kurti.
