Një çift amerikan me sindromën Down janë ndarë nga njëri-tjetri pas 25 vitesh së bashku, por kjo jo me vullnetin e tyre.
Bashkëshorti Paul Scharoun-DeForge është ndarë nga jeta në moshën 56-vjeçare. Ai vdiq muajin e kaluar pas një beteje të gjatë me sëmundjen Alzheimer, duke lënë gruan e tij Kris, 59 vjeç, të ve.
Mendohet se kjo është martesa më e gjatë mes dy njerëzve me sindromën Down.
Çifti nga qyteti i Liverpool në New York, lindën të dy me sindromën e Down, por familjet e tyre injoruan këshillat e mjekëve për t’i vendosur në institucione.
Dashuria me shikimin të parë mes tyre lindi kur çifti u takua në një mbrëmje vallëzimi për njerëzit me aftësi të kufizuara në vitet 1980.
Pas disa vitesh lidhje, Kris i propozoi Paul në vitin 1988.
“Ai më bëri të qeshja. Unë e shikova më sy dhe aty pashë të ardhmen time. Ja pse kur i propozova Paul, më tha po,”-rrëfeu Kris për Washington Post.
Por u deshën pesë vjet që ata të fitonin të drejtën për t’u martuar nga zyrtarët e shtetit të Nee York.
Çifti u detyrua të bënte test të njohurive , ndjenjave dhe nevojave të tyre seksuale për të provuar se ishin në gjendje të miratonin martesën.
Gushtin e kaluar ata ripërsëritën betimet e dasmën e tyre pasi Kris u shtrua në spital me pneumoni.
Çifti jetonte së bashku në një apartament të dhënë nga shteti për njerëzit me aftësi të kufizuara.
