Mundësia që po humb Uashingtoni në Hong-Kong

0
2

 

Me protestat masive që vazhdojnë në Hong-Kong kundër Kinës, Uashingtoni ka një mundësi të madhe për të promovuar idealet, për të inkurajuar forcat demokratike dhe për të nxitur nevojën e Pekinit për një marrëveshje tregtare.

Megjithatë, Presidenti Donald Trump e ka anashkaluar çështjen dhe ka detyruar zyrtarët e tjerë të administratës të bëjnë të njëjtën gjë.

Qasja e Trump në Hong-Kong është pjesë e një strategjie më të gjerë të SHBA për sakrifikimin e të drejtave të njeriut për tregtinë.

Zëvendëspresidenti Mike Pence kishte planifikuar ti bënte jehonë kritikave që ai kishte bërë në Pekin në vjeshtën e kaluar, mbi shtypjen brutale të Ujgurëve muslimanë, të cilët kërkonin të praktikonin besimin e tyre, por ndryshoi dhe mbeti i heshtur muajin e kaluar, ndërkohë që Uashingtoni dhe Pekini kërkonin të rihapnin bisedimet tregtare.

Protestat reflektojnë shqetësimet lidhur me Pekinin që gjithnjë e më shumë ka kërkuar të kufizojë liritë e veta.

Kina, një kërcënim edhe për Hong-Kong-un

Për të qenë të sigurt, një përpjekje e SHBA për të mbështetur protestuesit e Hong Kongut mund t’i lërë ata të ekspozuar nëse Uashingtoni përsërit gabimet e tij në të kaluarën.

Por nëse Uashingtoni duhet të jetë i kujdesshëm për të mos premtuar se çfarë nuk do të japë, ai gjithashtu nuk duhet të heshtë.

 

Në rastin e Hong-Kongut, Shtetet e Bashkuara mund të humbasin një mundësi jo vetëm për të shprehur vlerat e tyre, por për të arritur qëllimet ekonomike.

Në vend që të anashkalojnë shqetësimet e të drejtave të njeriut në interes të një marrëveshjeje tregtare, Trump do të këshillohet më mirë të kërkojë sigurime në lidhje me lirinë në Hong Kong përpara se t’i japë Pekinit atë që dëshiron.

Lawrence J. Haas, anëtar i lartë në Këshillin Amerikan për Politikë të Jashtme, është autori i, së fundi, “Harry dhe Arthur: Truman, Vandenberg dhe Partneriteti që krijoi botën e lirë”.