Pamjet e aksidentit tragjik të ndodhur mbrëmjen e djeshme në Elbasan janë vërtetë të frikshme.
Në videon që gjeni më poshtë shihet momenti i përplasjes ballë për ballë mes makinës tip “Ford” me automjetin “BMW”.
Në të shihet se si makina ngjyrë gri e tipit “BMW” ecën në korsinë e vetë, ndërkohë me një shpejtësi të furishme i vjen përballë automjeti tip “Ford”, duke shkaktuar vdekjen e një personi dhe plagosjen e tjetrit.
Më konkretisht mjeti i markës “Ford” me targë AA824BK, është përplasur me makinën e markës “BMW” me targa AA003PF.
Policia e cila shkoi në vendngjarje tha se brenda një prej automjeteve gjendej i bllokuar një person i cili u arrit të nxirret për t’u dërguar në spital.
Drejtuesi i “Ford-it’, Dritan Kalemi, 32 vjeç, banues në Elbasan, humbi jetën, ndërsa në spital gjendet 28-vjeçari K.A., banues në Elbasan, drejtuesi i “BMW-së.
Gjithçka duket se ka ndodhur për shkak të një gabimi të viktimës, çka i mori dhe jetën.
