I ftuar në emisionin “Zonë e lirë”, Presidenti Ilir Meta, ka deklaruar se do t’i ngrejë edhe njëherë shqiptarët në protestë. Meta theksoi se 10-fishuar populli i 2 marsit, ndërsa shtoi se në vend institucionet kanë rënë e shteti është kapur.
I pyetur nëse duhet të jetë lideri i opozitës, kreu i Shtetit thotë se; sot është lideri i Shqipërisë, për të rikthyer vendin në shinat kushtetuese.
“Nuk me interesojnë partitë. Është 10 fishuar populli i 2 marsit. S’dal dot në rrugë, se njerëzit më thonë shpërndaje Parlamentin. Unë jam lideri i Shqipërisë sot. Mua më qëlloi kjo detyrë.
Dilni dhe pyesni 50-të shqiptarë jashtë kamerave dhe thoni janë të kënaqur, apo nuk janë të kënaqur dhe do ta shikoni. Kjo e vërtetë e t merrshme, e detyron zotërinë që të bëjë këtë përmbysje të marrëveshjes, si dhe të çojë Shqipërinë në drejtim të paditur, që Shqipëria të jetë lavatriçe parash.
Më 25 prill, do ketë referendum. Duroni dhe pak, e do ta shihni çfarë ka për të ndodhur. Më 24 prill, ka Referendum për të shkuar në Europë dhe për ta çuar Rilindjen ne gropë. Reagimi do të jetë i paparë. Të gjithë Europën do të zgjedhin. Populli shqiptar do të tregojë se nuk është kavie”, u shpreh Meta në “Zonë e Lirë”.
