Kryeministri Edi Rama gjatë konferencës së përbashkët me ministrin gjerman të Shtetit për Europën, Michael Roth, i ka thënë këtij të fundit se do të sihte shumë e rëndë nëse qytetarëve do t’u ndalohej lëvizja e lirë për shkak të vaksinave që kanë bërë.
Rama u shpreh se nuk ka arsye pse të ndahen njerëzit në kategori kur bëhet fjalë për të drejtën e tyre të lëvizjes së lirë.
“Do të ishte më e rëndë se shtyrja e kornizës për Konferencën e Parë të Qytetarëve, pamundësia e udhëtimit të qytetarëve të Ballkanit në Europë, për shkak të ndarjes së tyre në kategori: ata që kanë bërë vaksinë perëndimore dhe ata që kanë bërë vaksinë lindore. Na ndihmoni që ta përçojmë këtë mesazh. Nuk ka arsye pse të ndahen njerëzit në kategori kur bëhet fjalë për të drejtën e tyre të lëvizjes së lirë”, tha Rama.
