Një 41-vjeçare është goditur fizikisht në Fushë-Arrëz në banesën e saj nga një i ri, i cili dyshohet të jetë me probleme mendore.
Pas ngjarjes, i riu është shoqëruar nga policia dhe që rezulton një emër jo i panjohur për efektivët blu pasi edhe më parë ishte dënuar për vjedhje me dhunë.
Njoftimi i policisë:
Me dt.17.05.2019, shtetasja B. B. 41 vjeçe, banuese në Fushë-Arrëz, ka njoftuar se është goditur në banesën e saj nga shtetasi M. N. 27 vjeç, banues në Fushë Arrëz, i dënuar më parë për vjedhje me dhunë.Me marrjen e njoftimit, Policia ka bërë shoqërimin e shtetasit të dyshuar M. N, i cili njihet si person me probleme të shëndetit mendor, i cili do dërgohet në Spitalin Psikiatrik nr.5 Tiranë.
Materialet iu referuan Prokurorisë së Rrethit Gjyqësor Puke, për veprat penale “Dëmtime të tjera me dashje” dhe “Dhunimi i banesës” parashikuar nga neni 90 dhe 112 i Kodit Penal, në gjendje të lirë në ngarkim të shtetasit M. N.
