Deputetja e Partsisë Demokratike Dhurata Çupi, ka deklaruar se në takimin e mbajtur në Senatin amerikan nda IPAC, është diskutuar mbi sigurinë, rrezikun mbi demokracinë nga regjimet autoritare.
Me anë të një statusi në Facebook, Çupi u shpreh se të gjithë folësit e fillojnë dhe e mbyllin diskutimin me fjalën demokraci. Ajo shtoi se në vendin tonë është zhdukur nocioni i votës së lirë, themelit të demokracisë.
Postimi i plotë:
Në Senatin amerikan për samitin më të madh të mbajtur ndonjëherë nga #IPAC.
Me senatorë, kongresmenë dhe ekspertë u diskutua mbi sigurinë, rrezikun mbi demokracinë nga regjimet autoritare. Folësit kyç ishin dy nga senatorët më me ndikim në politikën amerikane, Kryetari i Komisionit për Politikën e Jashtme në Senat, Bob Menendes dhe Nënkryetari i Komisionit të Inteligjencës në Senat, Marco Rubio. Të gjithë folësit e fillojnë dhe e mbyllin diskutimin me fjalën demokraci. Si shqiptare e kam më të lehtë të kuptoj shqetësimin e tyre. Vijmë nga një regjim i egër diktatorial dhe prej gati 1 dekade në Shqipëri është zhdukur nocioni i votës së lirë, themelit të demokracisë.
