“-“BERTI E KAM SERIOZISHT”-“-
*******************
Të dërgoj pusullë me zogj .
Ferman në letër dy gjisht .
Aman Berti mos u tall .
Aman merre seriozisht .
*********************
Të kujtohet Çobanesha .
Çobanesha hane hane .
Qeshe ti edhe unë qesha .
Po doli proto Çobane .
********************
Nashti njohu dhe sinorin .
Majë më majë dhëntë i bredh .
E dallon dhe dash përçorin .
Dhe milorin di ta tredh .
********************
U mësua me të acarin .
Dhe nuk rri me pushra ngjethur .
Ka mësuar dhe longarin .
Ka mësuar për të qethur .
********************
Unë një vedër ajo dy .
Nashti nga unë mjel më shumë .
Ruaje zot mos marrtë sy .
Vedra katër gjisht me shkumë .
********************
Edhe dhitë i hysmeton .
U pret gjethe u shkun lëne .
Pa fjetur ujin lëvon .
Edhe bën qullin e qëne .
*******************
Po një natë rrinte mërzitur .
Bërë bashkë hunde e vetull .
Mu fut në shark e drebitur .
Mu fut si zogë ndënë sqetull .
*********************
Lotët i rrodhën si prrua .
Kurdisur si zemereku .
Se di pse ndjeva noti .
Se di pse mu lag jeleku .
********************
Nga buza nxorri dy fjalë .
Që smi kishte thënë kurrë .
O xhaxho më gjij një djalë .
Më ka vajt mëndja për burrë ..
********************
Dua burrë xhedit të ri .
Dhe jo si çizmet e vjetra .
Të bëjmë këtu një shtëpi .
Po e dua burrë me letra .
********************
Të qëllojë me breshëri .
Të mos qëllojë tek e tek .
Të jetë i fisëm sojlli .
Dhe letrat me hipotek .
*********************
Ndaj Berti tundu nga vëndi .
Brith Omonien në pazar .
Sdua deputet kuvëndi .
Një të thjesht për kollovar .
*******************
Po ma gjete shihi dhëmët .
Që ti ketë dhëmët e parë .
Pyete për të tri këmët .
Mos është i shkuar në darë .
*******************
Kur ta gjësh vure përpara .
Dhe foli … uuush mor dudum .
Këtu kam rroba të reja .
Xhaketë poture kostum .
*********************
Aman vlersoje pusullën .
Dy gjisht kartën që të nisa .
Se kjo e ka humur vulën .
Kruan bythën nëpër lisa .
*******************
Si dorzan do kesh bakshish .
Dhe do kesh bakshish të math .
Do ta gjësh në hellë një mish .
Edhe nja tridhjetë okë djath .
********************
Mos harro shihi dhëmallët .
Se e do fringo të ri .
Përveç mishit edhe djathit .
Dhe dy Napolon flori .
Xhaxho Plaku
