Dënohet me 5 vjet e 6 muaj burg mjeku që kuronte kancerin me sodë buke në Tiranë. Tullio Simoncini, mjeku italian që i ishte hequr licenca ishte duke kuruar një pacient në një spital në Tiranë, vetëm me sodë buke. Pacienti 27-vjeçar ndërroi jetë.
Gjykata italiane ka dhënë dënimin jo vetëm për Simoncinin por edhe për bashkëpunëtorin e tij, Roberto Gandinin, radiolog, me 2 vjet burg.
Simoncini ishte i sigurt se kanceri mposhtej me një terapi të thjeshtë bikarbonati, njohur ndryshe si sodë buke.
Të dy u akuzuan se e kishin kuruar gjashtë muaj më parë në një klinikë në Tiranë, Luca Olivotton, 27 vjeç nga Catania dhe që vuante nga një tumor në tru, në një trajtim mjekësor antitumor bazuar në bikarbonat natriumi.
Olivotto, familja e të cilit u ndihmua nga avokatët Francesco Lauri dhe Giovanna Zavota, në vitin 2012 erdhi në Shqipëri, ku Simoncini punoi për ta trajtuar dhe pas dy ditësh pacienti ndërroi jetë.
