Italia kthen mbrapsht anijen me 600 emigrantë në bord: Rrini në det, s`ju duam

0
265

Një anije me 630 emigrantë të shpëtuar gjatë përpjekjes për të kaluar Mesdheune, është bllokuar në det pasi u largua nga Italia dhe Malta.

Mjeti lundrues qe kishte më shumë se 120 fëmijë dhe shtatë gra shtatzëna në bord, shpëtoi qindra njerëz nga mbytja në ujërat ndërkombëtare të shtunën, por as Roma as Valetta nuk e kanë lejuar atë të futet.

Daily Mail, raporton se ministri i ri i brendshëm Salvini, i ka dërguar një letër autoriteve malteze duke thënë se ai do të detyrohej të mbyllte portet e Italisë, nëse 629 emigrantët e shpëtuar shoqata bamirëse francezë SOS nuk u lejuan të vendoseshin në kryeqytetin e Maltës, Valetta.

Salvini, kreu i partisë anti-emigrante Lega Nord më vonë shkroi në Twitter: “Duke filluar nga sot, Italia nis t’i thotë JO trafikimit të qënieve njerëzore, JO biznesit të imigracionit klandestin”.

Por kryeministri italian Giuseppe Conte tha se Italia ka dërguar dy anije patrullimi me mjekë në bord “të gatshëm për të ndërhyrë dhe për të siguruar shëndetin e kujtdo në bordin e anijes që mund të ketë nevojë”.

Qeveria malteze këmbëngul se shpëtimi kishte ndodhur në zonën e kërkimit dhe shpëtimit libian dhe ishte drejtuar nga qendra e koordinimit të shpëtimit në Romë, që do të thotë se Malta nuk ka asnjë detyrim ligjor për të marrë emigrantët.

Të shtunën në mbrëmje, 229 emigrantë te tjerë u shpëtuan , duke përfshirë 123 fëmijë të pashoqëruar dhe shtatë gra shtatzëna.