SIMBOL PËR PALESTINEZËT, 17-VJEÇARJA QË RREZIKON BURGUN

0
52

Përfundoi në faqet e para të mediave botërore që në moshën 11-vjeçare, ku në një imazh shfaqet duke “kërcënuar” se do të godiste me grusht një ushtar izraelit. Sot, Ahed Tamimi është 17 vjeç dhe është shndërruar në simbol të protestave të palestinezëve ndaj Izraelit. Më 15 dhjetor të vitit të kaluar ajo u filmua duke goditur me shuplakë një ushtar izraelit. Pak ditë më vonë, 17-vjeçarja u arrestua dhe ka dalë para një gjyqi ushtarak, ku ndaj saj janë ngritur 12 akuza, mes të cilave ajo e sulmit ndaj forcave të sigurisë dhe nxitjes së dhunës. Nëse shpallet fajtore, ajo rrezikon të qëndrojë një kohë të gjatë pas hekurave. Për palestinezët Ahed është simbol i rezistencës ndaj pushtuesit, ndërsa për izraelitët një adoleshente e dhunshme që kërkon vëmendje përmes telasheve. Lidhur me rastin e saj ka reaguar edhe Amnesty International. Organizata ka kërkuar lirimin e menjëhershëm të saj dhe akuzon Izralin për sjellje diskriminuese ndaj fëmijëve palestinezë. Në mbarë botën, palestinezë dhe mbështetës të tyre kanë nisur një fushatë ku kërkojnë lirimin e Ahed.