Pandemia e koronavirusit ka goditur rëndë turizmin kulturore. Kalatë, muzetë e sitet arkeologjike po vuajnë mungesën e vizitorëve. Kalatë dhe sitet arkeologjie po kalojnë ditët më të vështira. Situata e krijuar nga pandemia e koronavirusit, i ka lënë thuajse bosh pikë takimet me historinë që prisnin mijëra vizitorë. Gjirokastra është një prej qyteteve që sezonin turistik e ka të bazuar mbi turizmin kulturor. Por Kalaja e Argjirosë, muzeu i Armëve, e Banesa e Kadaresë, vuajnë mungesën e vizitorëve .Vitin e kaluar, qyteti i gurtë përllogaritet se u vizitua nga rreth 90 mijë turistë. Këtë sezon të huaj mungojnë, ndërsa ata vendas janë të paktë. Shqipëria ka hapur kufijtë pa kushte, por turistët e huaj, që janë edhe vizitorët kryesore të muzeve e siteve arkeologjike mungojnë masivisht.
