Përmes një postimi në rrjetet sociale kryetari i PD, Lulzim Basha i bën edhe një herë thirrje qeverisë që të bëjë sa më shumë testime për Koronavirusin.
Sipas liderit të opozitës, kjo duhet bërë ër të evidentuar të prekurit nga COVID-19, dhe për të shkëputur zinxhirin e transmetimit.
“Për të evidentuar të prekurit nga COVID-19, dhe për të shkëputur zinxhirin e transmetimit, qeveria duhet të rrisë numrin e testimeve.
Numri i ulët i testimeve fsheh të vërtetën dhe kushton jetë!
Sa më pak testime, aq më pak persona të identifikuar, aq më shumë zgjatet zinxhiri i infeksionit, dhe rritet numri i të infektuarve dhe i viktimave.
Sa më pak testime aq më gjatë vazhdon karantina dhe thellohet kriza ekonomike. Duhet vepruar TANI, çdo ditë e humbur kushton jetë!”, shkruan Basha.
