Kreu i LZHK-së, Dashamir Shehi ka deklaruar mbrëmjen e sotme se ai nuk do të kandidojë për Bashkinë e Tiranës, në lokalet që do të mbahen në pranverën e 2023. Ai ka thënë se ka ardhur koha t’i hapet rruga brezit të ri.
Politikani i djathtë i pyetur nga moderatori Endri Xhafo në emisionin “Log”, ka thënë se që nga viti 2019 kur shprehu ambicien për kryebashkiak të Tiranës, është veç të tjerash dhe katër vite më i vjetër.
Në 2019-tën nuk ja mbylle derën vetës për një kandidim të mundshëm në Tiranë, ke ndryshuar?
Shehi: Jam nja katër vjet më i vjetër. Situata aktuale është që të gjithë të heqim nga pak dorë nga vetja jonë për t’i hapur rrugë brezit të ri. Po të kandidoj unë nuk e bëj atë bashkimin e opozitës. Është momenti të dalin figura të reja.
Ne na bashkojnë tre gjëra në këtë rast, na bashkon lufta kundër PS-së, lufta kundër arrogancës së Ramës, na bashkon edhe kandidati i përbashkët. Unë mendoj se janë të mjaftueshme për të përballuar një betejë elektorale. Kush na nda? Na ndajnë shumë gjëra, prandaj duhet të amplifikojmë këto që na bashkojnë.