Deputeti i PS, Erion Braçe ka reaguar në lidhje me domatet shqiptare të cilat u kapën dhe asgjësuan në Kroaci, për shkak se ishin me pesticide mbi normën e lejuar.

Në një postim në rrjetet sociale, Braçe ka bërë thirrje për ndalje të “histerisë” se po helmohemi me prodhime bujqësore me pesticide.

Ai ka sqaruar se vetëm vjet i kemi shitur Kroacisë 9000 tone perime e fruta të shëndetshme, ndërsa nga mbi 6000 tonë të shitura deri tani, ky është rasti i pare me ngarkese pesticidesh mbi norme.

Braçe ka theksuar megjithatë se çdo bujk i papërgjegjshëm duhet të ndëshkohet.

“DUA TA THEM QE NE KRYE TE HERES:
MBESHTES PLOTESISHT NDESHKIMIN E CDO BUJKU QE PERDOR PESTICIDE MBI NORME NE PROCESIN E PRODHIMIT TE PERMEVE E FRUTAVE;
Eshte dhe duhet realisht te ndeshkohet si krim me ushqimin!

Ndaj e kuptoj rastin e sotem te POLICIMIT TE PRODHIMIT TE DOMATES DHE DOMATES VETE!

Ajo qe meriton sqarim, spjegim, ka te bej me te gjithe keta qe kane nisur kete fushaten e poshter kunder prodhimit vendas “NA HELMUAN; HELMUAN DYNJANE” etj;

E para qe qe dua te them;
Perdorimi i pesticideve per mbrojtjen e bimes e frutit ne Republiken e Shqiperise eshte i ligjshem; gjithnje ne baze te normave dhe afateve te percaktuara me ligj;
Po kaq i ligjshem eshte perdorimi i pesticideve edhe ne cdo vend rreth nesh, ne Evrope e me gjere; ra po them se nese autoritet e kesaj Qeverie, do ti benin analizat perimeve e frutave qe vijne fjala bie nga Greqia, Turqia etj, DO TA GJENIN PREZENCEN E PESTICIDEVE NE TO, PA ASNJE DYSHIM!

Ne ane tjeter, ne nuk prodhojme pesticide ketu, kemi 35 vite qe nuk prodhojme gje te tille; prodhon KROACIA e vende te tjera ne BE e jashte saj; si prodhime te ligjshme;
Ndaj nga KROACIA, SLLOVENIA e deri ne TIRANE, ndaleni histerine, qetesohuni!
Vjet i kemi shitur KROACISE 9000 TONE PERIME E FRUTA DHE KANE QE TE SHENDETSHME; kete vit mbi 6000 tone deri tani e ky eshte rasti i pare me ngarkese pesticidesh mbi norme; KEMI PRODHUAR MIRE, besojeni; ashtu sic ka dhe bujq qe kane gabuar dhe duhet te pranojne ndeshkimin.

Kete sqarim duhet ta kish bere ministria e Bujqesise qe ka qepur gojen; si statistike e raporton domaten, por per ta mbrojtur teresine e prodhimit vendas hesht; NUK SHKON!

Sic nuk shkon HESHTJA PER TVSHne qe akumulohet pafund si humbje; qe kesaj humbje i mbivendoset dhe humbja nga KURSI I KEMBIMIT-ne eksport (ndaj ministria raportin ne sasi jo ne vlere); per shkak te humbjeve BUJKU RREZIKON TE VJELE PARA AFATIT TE KARENCES DHE GABON RENDE, NXITON PER CMIMIN ME TE LARTE!

Duhet nderhyre tani, shpejt se humbja po behet kolosale, pa kthim; SIC SKEMA E MBESHTETJES BUXHETORE DUHET TE NXISE E PAGUAJ ALTERNATIVEN: MBROJTJEN BIOLOGJIKE, ME INSEKTE TE BIMES E FRUTIT!

TA DUASH KETE PUNE, PRODUKTIN E SAJ!”, shkruan Brace. 

Kryetari i Bashkisë së Vlorës, Ermal Dredha ka dhënë dorëheqjen nga detyra.

Përmes një postimi në Facebook, Dredha i ka drejtuar një mesazh qytetarëve të Vlorës.

Dështimi i disa investimeve në Vlorë, mungesa e ujit të pijshëm apo zjarri i përsëritur në fushën e plehrave ishin disa nga çështjet për të cilat Rama akuzonte Ermal Dredhën, teksa në fund të mbledhjes i detyroi të gjithë drejtorët e Bashkisë dhe nënkryetarët që të jepnin dorëheqjen.

Reagimi i plotë i Ermal Dredhës:

Të nderuar qytetarë të Vlorës,

Me mirënjohje dhe përulësi, për gjithçka ndamë bashkë përgjatë këtij rrugëtimi, bashkë me falenderimet e pafundme për çdo mbështetje, po ndaj me ju letrën time të dorëheqjes!

Shpresoj në mirëkuptimin tuaj, me bindjen që Vlora ka plotë mundësi për kontribute të vyera! Si djalë i këtij qyteti kaq të dashur, do të shërbej në çdo formë, njësoj siç kam bërë çdo ditë të karrierës sime diplomatike sepse e vetmja gjë që mbetet e pandryshuar është që Vlora do të jetë gjithnjë e para në zemrën time!

I nderuar z. Kryeministër,

Sot, me përgjegjësinë më të lartë morale dhe institucionale, kam vendosur të paraqes dorëheqjen time nga detyra si Kryetar i Bashkisë së Vlorës.

Ky është një nga ato momente ku fjala nuk del lehtë, jo sepse mungon bindja, por sepse pesha e asaj që dua të them është e madhe dhe shumë e ndjeshme për mua si njeri, si shërbyes publik dhe si bir i këtij komuniteti që e dua me gjithë zemër.

Pavarësisht sfidave dhe vështirësive që janë shfaqur gjatë rrugës, kam besuar gjithmonë se transparenca dhe puna e ndershme janë baza mbi të cilat ndërtohet një shërbim i mirëfilltë ndaj komunitetit.

Kam jetuar çdo ditë të këtij detyrimi me përkushtim të plotë dhe zell. Kam bërë më të mirën që kam ditur e mundur, ndoshta jo gjithmonë mjaftueshëm, por gjithmonë me ndershmëri. Kam qenë pranë njerëzve në ditë të mira dhe në ditë të vështira, dhe i kam ndjerë hallet dhe shpresat e tyre si të ishin familja ime.

Megjithatë, besoj se në një moment të caktuar është e rëndësishme të dish të largohesh me dinjitet, për t’i hapur rrugë energjive dhe ideve të reja.

Dorëheqja ime vjen si një akt reflektimi dhe përgjegjësie. Rrethanat aktuale, familjare dhe personale, apo dhe ato politike e administrative, më shtyjnë të besoj se dorëheqja ime është veprimi mëi drejtë në këtë moment. Ky vendim nuk nënkupton largim nga përgjegjësia publike, por është një akt i vetëdijshëm për të krijuar hapësirë për ide dhe ritme të reja zhvillimi për bashkinë tonë.

Z. Kryeministër,

Ju falënderoj për bashkëpunimin institucional! Ky vendim nuk ndryshon as respektin dhe as përgjegjësinë që ndjej ndaj vendit tim dhe ndaj qytetarëve tanë.

Ju falënderoj për çdo mbështetje që më keni dhënë dhe për çdo shpresë që kemi ndarë së bashku. Unë mbetem i përkushtuar ndaj komunitetit tim dhe do të vazhdoj të kontribuoj në forma të tjera për të mirën e përbashkët.

Kryetari i Partisë Demokratike, Sali Berisha,  ka mbledhur sot Kryesinë e kësaj partie dhe para mbledhjes deklaroi se forca e tij politike do të shkojë në Parlament, pavarësisht se nuk njeh zgjedhjet.

“Nuk është një variant, po u them demokratëve që mendojnë të mos futemi në Parlament. Jo, nuk është më mirë. Në një diktaturë, duhet të falënderosh zotin që të jep mundësinë ta luftosh atë. Në këtë diktaturë, e pëson si Salianji, por nuk mund ta mohojmë që mundësitë për ta luftuar janë. Dhe kërkohet angazhim e përkushtim shumë më i madh, nga secili prej nesh”, tha Berisha në mbledhjen e kryesisë së PD.

I ftuar në ‘Dekalog’ nga Roland Qafoku në ‘Dritare TV’, ish-deputeti i PD-së, Ervin Salianji, është pyetur për një mundësi martese me ish-deputeten e PD-së, Grida Duma, ndërkohë që është shprehur se nuk kanë plane për momentin dhe do të flasë në kohën e duhur për këtë çështje.

“Këtë çështje do të kemi një diskutim tjetër. Nuk dua t’i jap vëmendje tani, do kemi një moment tjetër ku do të diskutojmë gjatë e gjerë vetëm për këtë çështje. Duke qenë se nuk e kam përfshirë asnjëherë jetën personale në jetën publike”,  u shpreh Salianji.

Burime pranë mazhorancës bëjnë me dije se është gati një listë me emrat kryesorë që mund të përbëjnë kabinetin e katërt qeverisës të kryeministrit Edi Rama.

Në këtë përbërje spikat prania e figurave të reja dhe rotacioni i emrave të njohur të Partisë Socialiste në poste kyçe.

Sipas listës së përfolur, Belinda Balluku pritet të zgjidhet Kryetare e Kuvendit, ndërsa Adea Pirdeni do të mbajë postin e Zëvendëskryeministres.

Në Ministrinë e Jashtme do të kalojë Elisa Spiropali, kurse Pirro Vengu është kandidati për Ministrinë e Mbrojtjes.

Në drejtimin e rendit dhe sigurisë do të vendoset Vlora Hyseni si Ministre e Brendshme, ndërsa në drejtësi përmendet emri i Elira Kokonës. Financa dhe Ekonomia ndahen mes Genti Gazhelit (Financa) dhe Delina Ibrahimajt (Ekonomia).

Për infrastrukturën është përzgjedhur Blendi Gonxhe, kurse në bujqësi do të kalojë Bledi Çuçi. Turizmi do t’i besohet Ervin Demos, ndërsa Arsimi do të drejtohet nga Arbi Mazniku. Besiana Kadare është emri i propozuar sipas burimeve për Ministrinë e Kulturës.

Ndër risitë e kabinetit është krijimi i Ministrisë së Antikorrupsionit që do të drejtohet nga Albana Koçiu, si dhe Ministria e Dixhitalizimit me Mirlinda Kacinajn në krye. Për diasporën përflitet Romina Kuko.

Kjo listë ende nuk është zyrtarizuar, por pritet të diskutohet në Asamblenë e Partisë Socialiste në ditët në vijim, ku kryeministri Rama do të prezantojë përfundimisht kabinetin e tij të katërt./Replika.al

Dashamir Shehu nuk ka asnjë kuriozitet se kush do të jenë emrat e rinj të kabinetit qeveritar, por e vetmja shpresë për të është që opozita të bëjë lëvizjet e duhura. Sipas Shehit, qeveria do të drejtohet vetëm nga një person, kryesocialisti Edi Rama.

“Pres që kjo legjislaturë të rregullojë ca punë. Parlamenti duhet të bëjë detyrat e tij. Uroj që këta që kanë hyrë ta marrin seriozisht këtë punë, që mos e quajnë si objektiv provizor por si një angazhim.

Ata që i kanë zgjedhur presin që çfarë do të bëhet me Shqipërinë që nuk janë pak probleme. Parlamenti duhet të bëjë dhe reformat politike pasi situata është agravuar jemi një formë limbo.

Asnjëherë nuk identifikohet kur është problemi real. Opozita të shtyjë qeverinë që të bëjë reformat. Qeveria është e zgjedhur. Kryeministri është qeveria në Shqipëri.

Unë nuk besoj se do të ketë ndonjë kuriozitet. Do të jetë më autoritar, pasi këta i ka zgjedhur vetë. Unë kam shpresë te opozita, te të rinjtë që kanë hyrë”, tha Shehi.