Gazetari, Armir Shkurti i ftuar në emisionin ‘’Ora e Betit’’ në Ora News u shpreh se opozita dhe çdo aktor tjetër është i dënuar të lëvizi ose të hapi krahun.

Shkurti: Pushtetin e ka ngritur Soros me Edi Ramën si pjesë e perandorisë së Sorosit në Shqipëri.

E ka kauz Berisha sot Sorosin.

Berisha po merret me konspiracion.

Edi Rama e ka ndërtuar si bleta kosheren e vet, brenda partisë së tij dhe jashtë partisë së tij.

Ka ndërtuar një strukturë mjaft efiçente dhe unë për të mos thënë që nuk kam asnjë lloj besimi as në kauzën e verës as në të vjeshtës po them do shohim gjërat që fillojnë nesër.

Dhe do shohim në vijim sepse opozita dhe çdo aktor tjetër është i dënuar të lëvizi ose të hapi krahun.

Demokrati Ervin Salianji ka kërkuar një riformatim të thellë të opozitës dhe ndërtimin e një strategjie reale për të përballuar qeverinë Rama. I ftuar në emisionin e “Real Story”, Salianji theksoi se është koha për një opozitë funksionale, e cila nuk duhet të mbështetet vetëm te votat e Sali Berishës.

Duke folur për situatën aktuale në Partinë Demokratike, Salianji pranoi se PD nuk po kalon një moment të mirë, por theksoi se përmirësimi i saj është në interes të qytetarëve.

“Duhet të bëjmë një opozitë se si të mundim Edi Ramën, pa votat e Sali Berishë që të flasim troç apo jo. Ne duhet të gjëmë të gjithë mekanizmat e duhur që t’i japim drejtim kësaj situate.

Duhet të gjejmë mekanizmat si shoqëri, që të këtë demokraci të shëndetshme dhe të ketë institucione dhe qeveria që kontrollohet dhe opozitë të shëndetshme që bën kontrollin e plotë. PD nuk është sot në ditët më të mira, sepse ndryshe nuk do bënim këtë diskutim. Duke u përmirësuar PD i shërbejmë interesit publik”, tha ai.

I pyetur nëse synon një funksion konkret politik, Salianji sqaroi se aktualisht nuk ka ambicie për poste, por është i fokusuar në ndërtimin e një grupimi të ri dhe gjithëpërfshirëse brenda opozitës. Salianji theksoi se është koha për bashkim të kontributeve dhe aktorëve opozitarë, për të ndërtuar një front të qartë përballë qeverisë.

“Nëse do kisha ambicie për një funksion tani do kisha dalë do kisha lëvizjen dhe pasja do vija këtu. Unë e bëj politikën ën atë formë, që nis lëvizjen dhe pastaj vij e diskutim se pse po e bëj këtë lëvizje. Në këtë moment unë jam duke diskutuar dhe takuar demokratë të tjerë, të cilët kanë po njësoj, mbase nuk kamë marrë kosto dhe kanë bërë sakrificë dhe të kenë bërë burg, sepse ai ishte një burg jo për interesin tim personal, por për kauzë e opozitës.

Nuk jam në atë fazë, që unë dua të kem një funksion. Jam në fazën, që PD duhet t’i përfshijë të gjithë, qoftë dhe pjesë e tjera të mozaikut opozita për të gjetur mekanizmat e duhur që të fitojmë dhe në këtë kuptim nuk mund të flas sot para, ndërkohë që nesër ka vendimmarrje për aksionin e opozitë në strukturat e partisë. Opozita nuk ka luksin të bëjë me gafa të tilla siç i la në tavolinë Ramës një tufë me mandate. Unë do jem në jetën politike padiksutim duke kontribuuar si opozitar gjatë gjithë kohës”, tha ai.

Analisti Roland Bejko, analizoi dy emrat e partiakë kryesorë, të cilat vijojnë të dominojnë skenën politike në Shqipëri.

Analisti pohoi se kryetari i Partisë Demokratike, Sali Berisha e ka eliminuar me kohë demokracinë brenda partisë, ndërsa Rama ka bërë disa ndryshime.

“Ju do thoni që kemi të bëjmë me një sistem dypartiak, por në fakt unë mendoj se kemi të bëjmë me një sistem multipartiak, të dominuar. Ky është një proces që ka evoluar, pra nga sistemi multipartiak, kaluam në një sistem dypartiak dhe tani shkojmë të sistemi multipartiak i dominuar.

Mendoj se Ramës i duhej Berisha aty këtë radhë dhe unë mendoj se e ka ndihmuar Berishën duke i krijuar disa lehtësi, të padukshme, por të ndjera.

Të dy kanë karakteristika të përbashkëta, të dyja janë liderë karizamtikë, lideri karizmatik ka tendenca autoritare, sepse ka disa lloje liderësh. Ju duhet që krahas strukturave partiake, duan dhe struktura ekstrapartiake. Të dy kanë tendencë ta dominojnë opinionin publik nëpërmjet mediave.

Shqipëria është sistem partitokrat, partia ka dominuar mbi shtetin dhe ata e kanë dominuar partinë. Berisha e ka eliminuar me kohë demokracinë brenda partisë, Rama në mënyrën se si e ndërtoi partinë e tij, bëri dy apo tre difuzione”, theksoi ai në emisionin “Real Story”.

Deputeti demokrat Gazment Bardhi ka reaguar me tone ironike ndaj Presidentit të Republikës, Bajram Begaj, pas dekretimit të datës 12 shtator për nisjen e sesionit të ri parlamentar.

Përmes një postimi në Facebook, Bardhi shkruan me ironi se Shqipëria nuk ka një President të Republikës, por një “ministër të Ramës në Presidencë”, që sipas tij firmos çdo gjë që i urdhëron mazhoranca.

“Shqipëria nuk ka President të Republikës, por një ministër të Ramës në Presidencë, që firmos çdo gjë që urdhëron Taulant Balla. Çfarë turpi, çfarë niveli mediokër!”, shkruan Bardhi.

Deputetja e Partisë Demokratike, Jorida Tabaku, ka befasuar me një deklaratë të pazakontë në një intervistë për mediat, ku tha se e ka marrë malli për debatet që zhvillonte dikur në Kuvend me Arben Ahmetajn.

Shumë do të mendojnë se është shaka, por kështu pretendon vetë Tabaku, teksa komentonte situatën aktuale politike në vend.

“Ndërkohë që ishte si ishte Arben Ahmetaj, në çdo seancë ne bënim debat për ekonominë. Pak rëndësi ka që sot ekonomia ndodhet në këtë situatë prej qeverisjes, por e rëndësishme është që opozita do të jetë atje për të kërkuar llogari, për të bërë transparencë, por edhe për të bërë propozimet e saj. Unë besoj shumë edhe tek forca e fjalës, edhe tek forca e debatit, por edhe tek parlamenti si institucion”, u shpreh Tabaku.

Të dëgjosh një deputete të opozitës të flasë me një lloj nostalgjie për një ish-ministër të akuzuar për korrupsion, tani në arrati, është padyshim një rast i rrallë në politikën shqiptare.

Kjo deklaratë e Tabakut i jep më shumë zë fjalëve se ajo ka pasur një marrëveshje të fshehtë me Ahmetajn, dhe “kauzat” e saj publike për koncesionet, duket se qartësisht ishin orientim nga ish-zv. Kryeministri./voxnews.al

Drejtuesi i këshilltarëve të Partisë Demokratike, Ilir Alimehmeti, i ftuar në emisionin “Çim Peka Live” në Syri TV, hodhi akuza të forta ndaj kryeministrit Edi Rama, lidhur me abuzimet me mandatin e tij si kryeministër dhe se po vepron në funksion të interesave të tij personale, jo atyre publike.

Sipas Alimehmetit, demokracia në Shqipëri është deformuar, pasi nuk ekziston më një kabinet qeveritar funksional dhe vendimmarrja është përqendruar në duart e një njeriu të vetëm. Ai paralajmëroi për një përpjekje të mundshme për ndryshim kushtetute dhe shtoi se ministrat janë zhveshur nga çdo kompetencë, duke u kthyer në figurantë në një sistem që ai e cilësoi si “makineri e kontrolluar plotësisht nga Rama”.

Ilir Alimehmeti: Ka marr mandat për të qeverisur, por nuk ka qeverisur dhe ka abuzuar. Dhe në fakt ne sot çfarë shohim dhe po më vjen shumë keq që po e dëgjoj dhe e ceku pak zoti Bushati pak më parë këtë bisedë. Interesi publik është tjetër dhe interesi i Ramës është tjetër. Pra, ne do të donim të dinim dhe nëse bota do të kishte funksionuar siç duhet, rrotullohet nga ana e duhur, ne sot do të na shkonte direkt mendja se kush do të ishte kabineti qeveritar. Pse? Sepse do të thotë që demokracia po funksionon, kabineti politik po funksiononte dhe emrat janë.

Ndërkohë që ne sot shohim që nuk është kjo punë drejt interesit publik. Pra nuk ka kjo politika të caktuara të cilat detyrojnë disa emra të caktuar të jenë aty, por ka një interes vetjak personal të Ramës. Pse e ka interesin personal Rama? Për ne, apo për veten?

E ka për veten, me patjetër dhe në momentin që e ka këtë interes për veten dhe po diskutohen elementë të tilla siç tha zoti Buzhala pak më parë, që mund të shkojë drejt një forme akoma dhe më të fortë për ta bërë vertetë me vulë atë pjesën që është ai dhe s’ka tjetër, dhe të shkojë drejt një ndryshimi kushtetues, që nuk e besoj.

Ju keni parë sesi me ligjin e ri, ministrat as nuk firmosin më, do jenë drejtorët ata që do firmosin. I zhvesh edhe nga kjo fuqi që atyre mund tu ketë mbetur dhe në fund të ditës, nëse ndodh diçka ‘i kanë ngrënë kumbulla pas shpine këtij’ dhe ky nuk di asgjë. Ndërkohë që është ‘kryemakinatori’ i gjithë kësaj dhe jo kryeministër.