Apeli për krimet e Rënda lë në fuqi masën e sigurisë arrest me burg për katër të arrestuarit për shumën 3.4 milionë euro që u bllokuan në portin e Durrësit më 23 qershor 2018.

Gjykata la në burg Edi Liken Klevi Liken, Arben Cekën dhe Alban Mollaymeri.

Ata akuzohen për pastrim parash, armëmbajtje pa leje, falsifikim të monedhave dhe grup të strukturuar kriminal.

Në kërkim janë shpallur kushërinjtë Elvis dhe Alfred Vladi të cilët konsiderohen dhe si porositësit e makinës Toyota Yaris ku u gjetën miliona eurot.

Në Shqipëri, i ngarkuari me punë në ambasadën e Shteteve të Bashkuara në Tiranë David Muniz, e konsideron “një dështim i të gjitha partive në parlament”, moskalimin dje në seancën e fundit të parlamentit për këtë sesion, të ndryshimeve ligjore që do të sillnin zhbllokimin e regjistrimit të studentëve të rinj për këtë vit akademik në Shkollën e Magjistraturës dhe emërimin e të porsadiplomuarve.

Në përgjigje të interesimit të Zërit të Amerikës, zoti Muniz u shpreh se bëhej fjalë për “një amendim të thjeshtë të Ligjit për Statusin e Gjyqtarëve dhe Prokurorëve për të përmbushur një kërkesë bazë të një sistemi drejtësie funksional, i cili lejon që studentë të rinj të hyjnë në Shkollën e Magjistraturës. Shkolla e Magjistraturës përgatit brezin e ardhshëm të gjyqtarëve dhe prokurorëve të Shqipërisë – jashtë ndikimit politik – në mënyrë që shqiptarët më në fund të gjejnë drejtësi në gjykatat e tyre. Politikanët shqiptarë – vijoi më tej i ngarkuari me punë në ambasadën amerikane – kishin mundësinë ta ndërmerrnin këtë hap të thjeshtë përpara dhe të hapnin dyert për një klasë të re studentësh, por nuk e bënë këtë”. Sipas tij “vetingu po ecën më shpejt, dhe Shqipëria ka nevojë për gjyqtarë dhe prokurorë të rinj që do të mbrojnë sundimin e ligjit. Me sa duket, politikanët kanë frikë nga sundimi i ligjit dhe prandaj nuk punuan sëbashku për të mbështetur Shkollën e Magjistraturës dhe reformën në drejtësi.”, përfundon reagimi i zotit Muniz.

Ngërçi me Shkollën e Magjistraturës u shkaktua për shkak të vonesave në ngritjen e institucioneve të reja të parashikuara nga Reforma në Drejtësi. Ndryshimet e propozuara nga socialistët synonin që në mungesë të Këshillit të Lartë Gjyqësor dhe Këshillit të Lartë të Prokurorisë, të jetë vetë Shkolla e magjistraturës që të realizojë pranimet e reja, ndërsa emërimet për gjyqtarët dhe prokurorët, të bëhen nga KLD aktuale dhe Prokurorja e Përgjithshme. Por ky propozim u kundërshtua nga opozita, ndërsa shumica e vetme nuk i kishte 84 votat e nevojshme për miratim.

Personazhi i njohur i krimit ne Tirane, Nehat Kulla kërkon lirimin nga burgu ne kohen qe i ka mbetur edhe një vit dënim.
Permes nje kerkese drejtuar gjykates, Kulla pretendon se duhet te lirohet pasi eshte duke vuajtur nga probleme shendetesore ne qeli.

Nehat Kulla u arrestua 13 vite më parë dhe u dënua me 20 vite burg, por gjate kesaj kohe ka perfituar disa here ulje, duke bere qe ti mbeten edhe 12 muaj heqje lirie.

Avokati i te fortit te Tiranes i është drejtuar Gjykatës së Shkallës së Parë në Krujë me kërkesën për lirimin nga burgu.

Personazhi i konsideruar edhe si ‘Gjenerali’ që krijoi një ‘komisariat policie’ në zonen e Kinostudios në vitin 1997 me mbeshtetesit e tij te armatosur, tashme duket se ka probleme me shendetin.

Kërkesa e avokatit te Nehat Kullës, që po vuan dënimin në burgun e Fushë Krujës eshte duke u gjykohet nga gjyqtarja Engjëllushe Tahiri.

Nehat Kulla eshte dënuar për vrasjen e Halim Gjuzit, ish-shofer i ish-zv/ ministrit të Arsimit Halit Shamata më 29 korrik të vitit 1998 në Golem të Kavajës.

Gjuzi po udhëtonte drejt Durrësit me gruan dhe fëmijët ndersa u vra nga Kulla i cili u arrestua në vitin 2005, ndërsa u dënua me 20 vite burg, por gjate kesaj kohe plot 5 vite denim iu ulën ne menyre periodike.

Ambasada shqiptare në Athinë bën të ditur se është vënë në kontakt me qytetarë shqiptarë të zonave të prekura, teksa ka vënë në dispozicion edhe një numër për çdo nevojë të tyre. Ambasada është shprehur më herët se nuk ka informacion për të lënduar mes shqiptarëve.

“Ambasada shqiptare në Athinë shpreh ngushëllimet e saj më të sinqerta për familjet e viktimave të zjarreve në Greqi, dhe shprehim mbështetjen tonë të plotë ndaj autoriteteve greke.

Theksojmë se Ambasada është vënë menjëherë në kontakt me qytetarë shqiptarë të zonave të prekura, ndërsa i bëjmë thirrje që për çdo nevojë t’i drejtohen Ambasadës në nr. +30 6941658183”, thuhet në faqen në Facebook të Ambasadës

Humb jetën një 22-vjeçar. Një 22 vjeçar ne Gjirokaster ka humbur jetën pasi është goditur nga rrufeja.
Ngjarja ka ndodhur në fshatin Lazarat, pranë lumit Drion. Sakaq, ai u dërgua me urgjenc në spital por nuk mundi të mbijetojë.

Aksidentet rrugore vijojnë të jenë një ndër shkaktarët kryesore të vdekjeve në shqiperi. Sipas INSTAT, në muajin qershor numri I viktimave nga aksidentet rrugore është 217 persona .
Numri më I lartë I aksidenteve në këtë periudhë është kryër nga grup mosha 25-35 vjeç.
Në një analizë më të hershme të bankës Botërore thuhet se shkaku kryesor është planifikimi I rrugëve. Në bazë të këtij konkluzioni qeveria shqiptare dhe Banka Botërore kanë nënshkruar marrëveshjen e huas prej 65.9 milionë euro, shumë e përcakutuar për mirëmbajtje dhe sigurinë në rrugë.
Sakaq, ky projekt ka nisur nga zbatimi që në vitin 2016 por nuk po jep asnjë efekt për uljen e aksidenteve rrugore.