Mediat italiane kanë publikuar fotot dhe emrat e anëtarëve të grupit kriminal që merrej me trafikun e klandestinëve. Prokurori i antimafies në Palermo lëshoi urdhër-arreste për 17 persona, të akuzuar gjithashtu edhe për trafik të armëve luftarake dhe riciklimi i diamanteve, arit dhe parave. Struktura kriminale, e cila ishte drejtuar për të dyshuarit që banojnë në Palermo, ka zhvilluar aktivitetin e saj edhe në krahinat e Sondrio, Como, Pordenone dhe Siena, si dhe Zvicër, Gjermani, Maqedoni dhe Kosovë.
Organizata kriminale kishte lidhje me grupin mafioz të Cosa Nostrës, të cilës i shiste armë. Mediat italiane bëjnë një lidhje edhe me grupin paraushtarak shqiptar të UÇK-së dhe lidhje me qarqet xhihadiste. Grupi ka menaxhuar udhëtimin e emigrantëve në rrugët e Ballkanit, ku dhjetëra persona falë tyre kanë shkuar në Zvicër dhe Evropën Veriore përmes Italisë. Në detaje, hetimet kanë treguar lidhje me organizatën kriminale Cosa Nostra në Catania, si dhe me anëtarët e grupit paramilitar shqiptar të quajtur “New UÇK-së”, e cila synon shitjen e armëve luftarake. Në dhjetor të 2016, filloi monitorimi i shqiptarit nga Maqedonia, Fatmir Latifi, i jetonte gjatë në Bolognetta, në provincën e Palermos, dhe duke bashkëpunuar me Joseph Giangrosso (me origjinë nga Palermo Roccamena). Ata ishin vendosur “nën vëzhgim” të dyshuar për trafikim armësh nga rajoni i Ballkanit, si dhe riciklimit të parave dhe futjen e valutave të paligjshme në tregun italian Emrat e të arrestuarve janë Fatmir Latifi, Driton Rexhepi, Arben Rexhepi, Xhemshit Vershevci, Luan Dobjani, Ibraim Latifi, Denis Nikci, Urran Ameti.

Eurodeputeti, Knut Fleckenstein, thotë se derisa të hapet dera për integrimin e Shqipërisë, ka mbi 150 kushte por si pozitive ai sheh faktin që në konkluzionet e Këshillit të Bashkimit Europian nuk ka kushte shtesë. Gjatë tryezës së rrumbullakët “Çfarë e pret Shqipërinë pas konkluzioneve të Këshillit të BE”, zyrtari europian, i bëri thirrje politikës të avancojë me reformën në drejtësi dhe reformën zgjedhore. Ndërsa ambasadorja Vlahutin, tha se integrimi europian nuk është për axhenda të fshehura, ndërsa sipas saj procesi kërkon që të ketë bashkim, jo retorikë. Raportuesi për Shqipërinë në Parlamentin Europian, Knut Fleckenstein, thotë se në konkluzionet e Këshillit të Europës për çeljen e negociatave, nuk ka kushte shtesë por kërkohet avancimi i reformave të nisura.
Në Tiranë, ku mori pjesë në tryezën e rrumbullakët “Çfarë pritet nga Shqipëria pas konkluzioneve të Këshillit të BE; Pritshmëritë dhe Detyrat”, zyrtari europian, kishte disa këshilla për politikën në vend:
Knut Fleckenstein: Çfarë pritet është që reformat të vazhdojnë dhe të mos ndërpriten. Jam i lumtur për faktin që ka kushte, por edhe që nuk ka kushte të reja. Ajo çka Këshilli nënvizon është se ata shohin progres në prioritetet kyçe. 25 nga 28 shtete anëtare thanë thjesht OK. Të jem serioz tani, do doja që negociatat të hapeshin pak më herët, ndoshta një vit më parë.Fleckentein tha se vendet që hezituan, problemin nuk e kishin me Shqipërinë por me vetë Bashkimin Europian.
Knut Fleckenstein: Ato 3 vende që thanë JO nuk thanë JO për shkak të Shqipërisë, por thanë jo për shkak të situatës brenda BE-së. Janë të bindur se fillimisht duhet të zgjidhim problemet tona.
Ndërsa Ambasadorja e Bashkimit Europian në vendin tonë Romana Vlahutin, i kujtoi politikës shqiptare se ka një vit të vështirë përpara.
Romana Vlahutin: “Screening” nis këtë verë. Është punë shumë e rëndësishme. Shqipëria ka vendosur të bëjë diçka mjaft të mençur, t’i bëjë gjërat paraprakisht. Me reformën gjyqësore keni bërë paraprakisht një punë të madhe, që kërkon shumë kohë. Vlahutin apeloi, për konsensus politik në çështjet e integrimit.
Romana Vlahutin: Ky proces kërkon që të ketë bashkim, jo retorikë. Integrimi europian nuk është për axhenda të fshehura. E kemi parë në disa vende por dhe ketu, disa grupe interesi e kanë kuptuar se çfarë është BE, por ka dhe disa grupe qe nuk nxitojne sepse nuk e duan BE. Shumica dhe pakica duhet të bashkëpunojnë. Shumica te shtrijë dorën e dialogut, sepse pa këtë, procesi është pothuajse i pa mundur.
Në tryezë ishtë dhe Ministri i Jashtëm, Ditmir Bushati, i cili tha se në muajin korrik nis puna analitike për kapitujt që duhen plotësuar.Bushati: Fillimisht për kapitujt 23,24, që janë kapitujt që kanë lidhje me lirinë, drejtësinë, sigurinë dhe të drejtat e njeriut.