Gjykata e Rrethit të Beratit, vendosi sot të quajë të ligjshëm arrestimin e Admir Duro dhe vendosi ndaj tij masën e “arrestit me burg”. Në emër të organit të akuzës, Olgert Rumnici, i kërkoi gjykatës cilësimin si të ligjshëm të arrestimit të 42-vjeçarit dhe caktimin e masës së sigurisë “arrest me burg”, ndonëse pala mbrojtëse kërkoi cilësimin e arrestimit si të paligjshëm dhe caktimin e një mase më të lehtë sigurie për shkak të gjendjes së tij të rëndë se shëndetit mendor, gjë e cila nuk është marrë parasysh nga kryetari i trupit gjykues, Durim Hasa. Dhe në sallën e gjyqit Duro ka shfaqur probleme me shëndetin mendor, por për shkak të mos kryerjes së vizitave mjekësore nuk ka pasur prova për t’u paraqitur në gjykatë që dëshmojnë problemet e tij mendore. 42-vjeçari akuzohet tashmë për: veprat penale, “Heqja e paligjshme e lirisë”, “Dhuna në familje”, “Kundërshtimi me dhunë i punonjësit të policisë” dhe “Prishja e rendit dhe qetësisë publike”. Ngjarja për të cilën akuzohet Duro ndodhi tre ditë më parë në lagjen “30 Vjetori”, ku 42-vjeçari mbajti peng për orë të tera djalin e tij, 17-vjeçar nga frika mos e braktiste. Më pas, ai hipi në soletën e pallatit ku për më shumë se tre orë kundërshtoi me forcë punonjësit e policisë, hodhi tjegulla në drejtim të tyre, duke lënduar dy uniforma blu. Pas arrestimit ai qëndroi në spitalin e Beratit dhe u përball sot me gjykatën, në seancën e parë në ngarkim të tij.

Katër personat e arrestuar për sasinë e 3 milion e 470 mije euro, që u bllokua mesditën e së dieles në portin e Durresit pritet të dalin në gjykatën e këtij rrethi për tu vleresuar më masën e sigurisë. Më pas çështja pritet ti kalojë Prokurorisë së Krimeve të Rënda pasi ndaj tyre krahas akuzave të referuara nga policia, do ti shtohet edhe akuza e grupit të strukturuar kriminal, që është kompetencë hetimi nga Prokuroria e Krimeve te Rënda. Ndërkohë vijojnë hetimet për identifikimin e personave të tjerë të përfshirë në këtë ngjarje. Burimet thonë se deri tani dyshohet se personat që janë arrestuar por edhe dy kushërinjtë Vladi që janë shpallur në kërkim, kanë vetëm rolin e transportuesit, ndërsa të tjerë persona dyshohet se fshihen pas sasisë së parave. Mësohet se e gjithë vlera e valutes së sekuestruar është dërguar për tu ruajtur në Banken e Shqiperisë për llogari të Prokurorisë së Përgjithshme, ndërsa disa prej kartmonedhave u është bërë edhe ekspertiza për të evidentuar gjurmët e gishtave dhe nese në ndonjeren prej tyre ndodhen gjyrmët e të arrestuarve. Gjithashtu për ekspertim janë dërguar edhe radio e policisë dhe arma e gjetur ne shtepine e shoferit 61 vjeçar. Deri tani të arrestuarit mesohet se kanë mbajtur qëndrim mohues, duke mos pranuar të kene patur dijeni për sasitë e parave që ndodheshin në dy automjetet. Alban Mollaymeri ka pohuar se ishte kontaktuar nga Alfred Vladi për të blere disa automjete per kompanine e tij, e cila nga verifikimet rezulton e e hapur në maj të këtij viti. Hetimet janë përqëndruar edhe ne dy personat, të cilët janë shpallur në kërkim. Burime nga grupi hetimor pohojne se kanë nisur verifikimet në lidhje me aktivitetin e tyre ndërsa dyshohet se ata janë larguar nga Shqipëria menjëhere sapo kanë mësuar se janë zbuluar. Edhe nxjerrja e sekretit hetimor eshte nje tjetër pikë që ka nisur të verifikohet. Hetimi ka nisur nga Sherbimi i Kontrollit të Brendshem, duke verifikuar të gjithë rrethin e personave që kanë patur informacionin paraprak. Mësohet se në hetim administrativ jane edhe dy efektivë të Policisë së Shtetit.

Ministrja e Mbrojtjes Olta Xhaçka ka shkarkuar kreun e Emergjencave Civile, Shemsi Prençi. Mësohet se në vend të tij është emëruar ish-drejtori i policsë së shtetit Haki Çako. Shemsi ndërkaq, ka bërë ditën e djeshme dorëzimin e detyrës nga emergjencat civile. Deri më tani nuk ka asnjë shpjegim për shkarkimin dhe emërimin e Çakos, i cili është një nga figurat më të sulmuara të opozitës për lidhjet me drogën