Rritje të agresivitetit nga grupet kriminale në krimin kundër jetës ka deklaruar kryeprokurorja Arta Marku në analizën vjetore të Prokurorisë së Durrësit. “Konstatohet se ka një ulje të veprave penale kundër jetës, por ka një rritje të agresivitetit nga grupet kriminale në kryerjen e këtyre veprave penale. Autorët në funksion të realizimit të qellimeve të tyre kriminale janë të gatshëm të sakrifikojnë çdokënd që mund të jetë rastesisht në rrezen e tyre të veprimit. Kjo vjen nga mosndëshkimi, apo ndëshkimi i lehte dhe jo proporcional me krimin e kryer dhe rrezikshmerine e autorit. Veprat penale kundër korrupsionit janë shumë pak të regjistruara dhe aq më pak kanë përfunduar në gjykim”, ka thënë ajo. Marku vijoi më tej se prokurorët nuk duhet të ndalen vetëm në hetimin e veprës penale korruptive, por dhe te hetimi pasuror i subjektit të veprës penale. “Prokurorët nuk duhet të ndalen vetëm me hetimin e veprës penale korruptive por duhet të thellojnë hetimin pasuror të subjektit të veprës penale në lidhje me asetet që kanë në burim të ardhura kriminale nga veprime korruptive. Kjo me qëllim jo vetem ndëshkimin e autorit për krimin e kryer por dhe sekuestrimin dhe konfiskimin e asteve të krijuar prej tyre”, tha Marku. Sipas saj Durrësi është një nga qytet portet që rezulton me më pak vepra penale në fushën e kontrabandës, ndërkohë që jemi të vetëdijshëm se sjelljet që cënojnë legjislacionin doganor janë të shumta dhe të ndëshkueshme penalisht. “Duhet që edhe kryesisht prokurorët të angazhohen për të evidentuar këto vepra penale në çështjet që hetojnë, duke mos u mbetur të kufizuar vetëm në referimit qe mund te vijne nga policia e shtetit apo vetë doganat”, ka vijuar kryeprokurorja.

Nga salla e Kuvendit, ku detyrën e opozitës e quajti tërësisht të pamundur, Basha u bëri thirrje shqiptarëve të marrin në duar fatet e tyre. “Çohuni dhe opozitën do e keni në krahë”, tha Basha. “Detyra e opozitës në këtë Parlament është tërësisht e pamundur. Përtej fjalës gjithçka tjetër është kapur dhe shkatërruar institucionalisht ligjërisht, Kushtetuta është shkelur. Jemi këtu për ta thënë këtë fjalë, po dhe për t’ju thënë se kjo farsë do të vazhdojë. Nuk ka rrugë tjetër tani që votat e vjedhura kanë çimentuar një bandë në pushtet. Reforma në drejtësi është viktima e parë e kësaj. Sot nga kjo sallë u kërkoj të bëjmë e diçka tjetër, të marrim fatin tonë në duart tona. Çohuni dhe opozitën do ta keni në krahë”, deklaroi Basha. Vendi prej 5 vitesh ka një kryeministër të shantazhuar, u shpreh ai menjëherë pasi përfundoi fjalimin e tij kryeministri Edi Rama. Basha tha se do të ketë vendime të tjera që do i tregojnë shqiptarëve se çfarë dëmi i bën vendit një kryeministër i shantazhueshëm.“Shqipëria prej 5 vitesh nuk ka një kryeministër sovran po një njeri që shantazhohet lehtësisht, vendimet e të cilit merren në funksion të dosjeve që i tunden para syve. Dosje në të cilat figuron ministri i tij i Brendshëm, Saimir Tahiri, i takuar me qindra herë në Itali dhe Greqi me mafiozët në zë, të përgjuar natyrisht nga shërbimet partnere. Ky është një kryeministër i shantazhueshëm. Vota kundër Jeruzalemit është minimumi i të zezës që i bën këtij vendi. Prisni se do të ketë të tjera vendime që do i tregojnë qartë shqiptarëve se çfarë dëmi i bën vendit një kryeministër i shantazhueshëm lur vjen puna te marëdhëniet ndërkombëtarëe e veçanti me fqinjët”, tha Basha. Nëse Parlamenti do të ishte i vërtetë tha Basha, referuar votës për Jeruzalemin, do të duhej të funksiononin mekanizmat për të frenuar këtë “zullum kombëtar”. “Një qeverisje që ditë për ditë i merr shumicës së shqiptarëve për një grusht njerëzish. Në këtë Parlament, nëse do të ishte me të vërtetë i tillë duhet të funksiononin mekanizmat për ta frenuar këtë zullum kombëtar, Rama 2, i cil për nga mediokriteti, vjedhja dhe ekspozimi i lidhjeve të drejt për drejta të të parit të qeverisë dhe minsitrave të tij me bandat e narkotrafikut ia kalon Rama 1, që ne mund ta frenonim këtu ishte e pamundur. E di që në këtë sallë, ku ka ardhur me vullnetin e krimit, mund të bëjë si të dojë. Me mëdyshje, e pranova propozimin e grupit parlamentar për të debatuar mbi qëndrimin e qeverisë shqiptare kundër SHBA, sepse e di qënë fund të këtijdebati nuk do të ketë një votë ndërgjegje, po të depersonalizuar të një grupi politik të vënë tërësisht në funksion të një grupi njerëzish që vjedhin përditë këtë vend”, tha ai. Madje Basha foli dhe për mashtrim me shortin për zgjedhjen e anëtarëve të KLGJ dhe KLP. “Telefonat e prishur të sigurimti të shtetit sigurisht me rekomandimet e mbeturinave të sigurimit këtu pas meje, njerëz të korruptuar e dënuar që fshehin rekordet e dekriminalizimit, dhe njerëz që ONM i ka përjashtuar nga rekomandimi. Po të donte konsesus Edi Rama nuk do të shkelte Kushtetutën. Do ta shtyj edhe për pak, po jo për shumë”, tha Basha. Ai foli dhe për ekstradimin e Nezir Seitit. “E çove Nezir Seitin në Itali, po gojën nuk ke për t’ia mbyullur përgjithmonë. E kur të bilbilosë ai dhe Habilajt, radha i vjen Saimir Tahirit. Po a ka njeri në botë që beson se Saimir Tahiri u bë koka e drogës pa dijeninë tënde, që ato qindra tonelata droge nuk janë këmbët e karriges tënde të pushtetit? Prandaj çdo fjalë që thua këtu të largon më shumë nga e somtja se e nesërmja e këtij vendi nuk je”. Ndërsa për investimet turke: “Nuk duam ne investime turke? Palaçollik. Po ti i thave investimet nga ky vend. Në kohën kur këtë vend e qeveriste PD investimet turke u dhjetëfishuan, nuk janë më o faqezi. Si qesh, si gajasesh, ça je ti që gajasesh, s’je as shok gjimnazi me mua se je nja 10 vite më i vjetër. I ke çuar në azil refugjat. S’ka investime këtu. Ajo që po sjell në Vlorë është aferrë e pastër korruptive. Me 100 milionë euro do bësh t’i aeroport rajonal. Do vjedhësh shqiptarët e do ndash ryshfetin me ndonjë turqisht folës, po kjo nuk është punë e imja po e drejtësisë turke”. Për politikën e jashtme: “Çmundohesh doktor, politikë të jashtmë, është vënë si pelivan në tel dhe ka vetëm dy detyra, të mbrojë kriminelët e lidhur me politikanët dhe politikanët e lidhur me kriminelët me zero sukses.”.

Për kryeministrin Rama qëndrimi i opozitës për votën Pro rezolutës në OKB që i kërkonte Trump të tërhiqet nga njohja e Jerusalemit si kryeqytet i Izraelit është thjesht një justifikim për të hapur debat në Kuvend. “Keni kërkuar debat për Jeruzalemin, nesër mund të kërkoni debat për Kanalin e Panamasë, pasnesër për rritjen e temperaturave në Polin e Veriut. Do të ishin të gjendje të shpërthenit edhe një luftë nukleare nëse do të kishit një gjë në dorë. Sot e kërkoni shpëtimin në Lindjen e Mesme, nesër mund ta kërkoni diku gjetkë, mjafton të jetë në një pikë të globit larg këtij vendi këtu. Ju keni humbur pushtetin, arsyen dhe tanimë keni humbur gjumin. Politika juaj është jerm, baltë, përpëlitje. Ajo e shkreta reformë në drejtësi që e votuat këtu me të dyja këmbët në një këpucë sepse ai vettingu që nuk e ndalët dot, sepse kjo partia këtu që nuk e mundët dot ju kanë futur në një hall shumë të madh. Ju e dini shumë mirë se sa të jetë kjo parti në qeveri, ju nuk keni asnjë shans që ky vend të mbetet pa drejtësi. Ju e kthyet shtetin shqiptar në një zhele. Ju jeni gati të bëheni çifut, eskimezë, dele e zezë e këtij vendi, vetëm të mos jeni këta që jeni”, u shpreh Rama. Më tej, Rama përmendi edhe çështjen e detit me Greqinë. “Ti Sali e futët detin në govatë, në pushtetin tuaj të marrë fund. Tradhti ndaj atdheut për cenim territorial, sot jeni gati të nxirrni rrugëve, të bëhet se çfarë të bëhet, por deti të na marrtë të gjithëve”, tha Rama. Kryeministri, duke iu drejtuar Partisë Demokratike u shpreh se “frika juaj po ju tërheq zvarrë në një rrugë pa rrugë”. “Frika ju bën aluçinant. Ulërini këtu për Amerikën njësoj si ata fëmijët e filmit “Mëngjese lufte”: O Guri, o Guri, hajde se po na rrahin”. Ju mendoni se po ju dëgjon Guri atje matanë dhe do vijë të ju ndihmojë. Ju nuk e keni me ne dhe nuk jua kemi ne fajin që po thyhen arrat, ato kanë filluar të kërcasin. Nuk e gjeni në Jeruzalem shpëtimin. Streha po shembet se në këtë betejë ne nuk jemi vetëm, por me SHBA dhe BE. Me SHBA, ju nuk u bashkon dot Jeruzalemi sepse ju ndan drejtësia”, tha Rama. Rama vazhdoi t’i drejtohet Berishës, duke e pyetur se pse PD nuk voton organet e reja të drejtësisë. “Pse nuk e votoni KLGJ dhe KLP? Hajdeni bëhuni bashkë me ne për Reformën në Drejtësi, por ju nuk keni si votoni sepse nuk mund të votoni me duart tuaja që në fund të një procesi mund t’u lidhë duart, keni fshehur dhe mbuluar shumë. Po ju bërtisni sa të doni, KLGJ dhe KLP do të ngrihen sot dhe mbaron filmi me gogla, ne do të votojmë ju jo, dhe ata që kanë dalë nga goglat do të jenë organet e reja”, tha Rama.