Policia bashkiake ka vijuar aksionet e saj kundër shitësve ambulantë, të cilët shesin produktet e tyre në hapësira publike pa miratimin e Bashkisë.

Një operacion “i rëndësishëm” është zhvilluar edhe ditën e sotme, në rrugën e pedonales ku një qytetar i pa licensuar po shiste portofola në krah të një prej hoteleve të rrugës.

Nga fotot duken edhe efektivët e policisë, të cilët pasi janë përballur me shitësin e portofolave janë larguar nga ai me një çantë me portofola me vete.

Por është e paqartë nëse efektivët i kanë marrë me vete portofolat, i kanë sekuestruar apo i kanë mbajtur provizorisht dhe më pas ja kanë kthyer tregtarit?

Ish-kryeministri i Shqipërisë, Sali Berisha, ka publikuar në faqen e tij të Facebook një denoncim të qytetarit dixhital.

Sipas denoncuesit, i cili pretendon se ka qënë punëtor në parcelat me kanabis në Vlorë, banda e Habilajve rrahu dhe mori peng punonjësit e SHISH.

“Pasi u kapën dhe u goditën, Flori Dibrës telefonoi policinë e Vlorës dhe i tregoi ngjarjen. Policia kërkoi që t’i bëhen foto personave të kapur dhe të lihen të lirë. Nëse ata do të hapnin gojën atëherë do të merrej policia me ta”-denoncon qytetari.

Një aksident i rëndë ka ndodhur sot në rrugën dytësore Pllanë-Rubik të Milotit, ndërsa raportohet për një të vdekur.

Nga informacionet makina ka dalë nga rruga dhe ka rënë në lumin Mat duke shkaktuar vdekjen e një personi.

Deri më tani nuk dihen rrethanat e ngjarjes, ndërsa policia ndodhet në vendin e aksidentit dhe po punon për nxjerrjen nga lumi për të parë ka apo jo njerëz të tjerë në automjet.

Kryeministri i Kosovës, Ramush Haradinaj, ka anuluar vizitën e planifikuar për më 11 janar për në Iowa të Shteteve të Bashkuara të Amerikës, pasi nuk ka mundur të marrë vizën.

Lajmi është konfirmuar nga një zyrtar i gardës së Ioëas për një media vendase. “Kryeministri Haradinaj ishte i ftuar nga gjenerali Orr, por fatkeqësisht nuk mundi të marrë vizën për të na u bashkuar. Në vend të tij do të marrë pjesë zëvendëskryeministri Behgjet Pacolli.”, citohet të thotë kolonel Greg Hapgood, zëdhënës i Gardës së Iowas.

Haradinaj do të merrte pjesë në një aktivitet të organizuar nga komandanti i Gardës Kombëtare në këtë shtet, Timothy E. Orr.

Disa ditë më parë vetë bashkëshortja e Haradinaj, me një status në Facebook, akuzoi mediat se ishin bërë si mediat serbe dhe se Haradinaj nuk kishte asnjë problem me vizën.

Kreu i grupit parlamentar të LSI-së, Vasili, ka reaguar pas shkarkimit nga detyra të drejtorit të Përgjithshëm të Policisë, Haki Çako.

Vasili e ka ironizuar këtë lëvizje pasi sipas tij ata që janë të suksesshëm dekorohen dhe nuk largohen.

Sipas tij, Rama e shiti ish-drejtorin me të cilin priu dhe u bë njësh me bandat dhe trafikantët në zgjedhjet e qershorit.

Statusi

Edhe i “sukseshem” edhe e shkarkuan Haki Çakon.

Te “sukseshmit” zakonisht dekorohen ndersa keta i heqin.

Gjithe ajo droge pa fund ne kohen e Çakos ishte nje arritje e “papare” dhe me parate e se ciles kryeministri bleu zgjedhjet.

Cfare kryeministri mosmirenjohes, si e shiti ish drejtorin me te cilin priu dhe be njesh me bandat dhe trafikantet ne 25 qershor dhe me te cilin na vuri ne faqet e para te te gjithe medias boterore.

Edi Paloka, nënkryetari i grupit parlamentar të Partisë Demokratike ka dhënë disa detaje të reja lidhur me datën e zhvillimit të protestës që opozita ka paralajmëruar.

Kryetarja e LSI-së Monika Kryemadhi tha se do të ketë një seri protestash deri në rrëzimin e Edi Ramës, ndërsa kryedemokrati Lulzim Basha tha se nisja e tyre do të komunikohet nesër.

Paloka tha se do të jetë pas datës 20 dhe ngurrimi për ta thënë me siguri vjen nga fakti se janë duke u koordinuar strukturat e partive.

‘Do jetë pas datës 20, sepse duhen konsoliduar strukturat. Me shumë gjasë data 27 janar.’, tha Paloka te ‘”News 24’’.

Paloka komentoi edhe shkarkimin e drejtorit të Përgjithshëm të Policisë Haki Çako, duke qenë në të njëjtën linjë me Bashën se është ‘Koka e turkut’, ndërsa kupola e drogës është Rama.

‘Shkon i buzëqeshur…për t’u shkarkuar’, serioziteti i Palokës për foton ‘’Bye-Bye’ të Çakos, vërtet që tingëlloi ironike.

‘E përkohshmja’ Arta Marku, që u zgjodh mes tymnajës së flakadanëve në Kuvend vetëm me votat e socialistëve, bën një tjetër lëvizje në Prokurorinë e Përgjithshme.

Pas shkarkimit të prokurores Rovena Gashi, Marku që u betua nxitimthi pranë Ruçit, ka ndërprerë menjëherë marrëdhëniet e punës me këshilltarin për mediat, Albi Seranin.

Serani, prej 5 vitesh kryente funksionin në Prokurorinë e Përgjithshme, duke bashkëpunuar me gazetarët shqiptarë. ‘Hashtag.al’ mëson se ka qenë Marku që ka vendosur ndërprerjen e marrëdhënies së punës me Seranin. Nuk ka detaje se cili mund të jetë i përzgjedhuri i Markut.

Serani, pak minuta më parë u ka dërguar të gjithë bashkëpunëtorëve të tij një mesazh, duke u shkruar:

‘Të nderuar kolegë!

Gjatë 5 viteve të fundit kam pasur kënaqësinë të bashkëpunoj me Ju. Për mua personalisht, kjo periudhë ka qenë shumë intensive dhe më ka ndihmuar shumë në aspektin profesional.

Unë ndihem shumë i nderuar për raportet e krijuara me gjithësecilin prej Jush dhe shpresoj që rrugët tona të bashkohen sërish, gjithnjë për të ruajtur miqësinë dhe komunikimin korrekt që kemi zhvilluar deri më tani.

Duke Ju uruar të gjithë Vit të Ri të mbarë dhe sa më shumë fat, Ju njoftoj që, duke filluar nga dita e sotme, unë nuk do të jem më pjesë e Prokurorisë së Përgjithshme.

Ju faleminderit për gjithçka!’

Ka ndërruar jetë 20-vjeçari i cili plagosi veten me armë zjarri në Fier. Edhe pse u dërgua menjëherë në spital nga familjarët, i riu nuk ka arritur që t’i mbijetonte plagës të marrë nga arma e zjarrit.

Plagos veten në kokë, familjarët e shoqërojnë me urgjencë drejt spitalit

Një djalë i moshës 20-vjeçare është paraqitur me plagë në kokë në spitalin e Fierit.

I riu me iniciale R.Y.  është transportuar në spital nga familjarë të tij dhe thuhet se ka qëlluar aksidentalisht veten në kokë me armë zjarri.

Grupi hetimor ka nisur hetimet për të zbardhur tërësisht rrethanat e kësaj ngjarje.