Numërimi i votave në shkollën ‘Vasil Shanto’ në kryeqytet është ndërprerë dhe shkak për këtë është bërë konstatimi i më shumë votash sesa ka patur votues.

Nga burimet pranë kësaj qendre numërimi, thuhet se janë gjetur 2 vota më shumë sesa votues, thënë ndryshe nga 449 votues, u gjetën 551 vota.

Nga kjo lind pyetja, se a janë mbushur kutitë me vota pa votues?

Mbetet për tu parë…

Përfaqësuesit e OSBE-ODIHR ka dalë në një konferencë për shtyp.

Përfaqësuesit e OSBE-së kanë patur një deklaratë për zgjedhjet e ditës së djeshme.

OSBE-ODIHR ka theksuar se ka vëzhguar mangësi kyçe në proces.

Sipas OSBE-ODIHR-it ka patur mungesë të transparencës, intimidim të votuesve, probleme teknike me bojën e markimit, numërim i vonuar dhe raportime për blerje votash.

OSBE-ODIHR ka vlerësuar punën e KQZ-së por ka shtuar se nuk ka patur besim publik tek zgjedhjet.

OSBE/ ODIHR në konferencë prezantojne raportin:

Pati vonesa dhe parregullsi kyçe u vëzhguan

-Ndërhyrje nga aktivistë partiakë të autorizuar

-Procedura e numërimit nuk u respektua gjithmonë

– Zgjedhjet u zhvilluan në kontekstin e elementëve të ndryshëm zgjedhor dhe një besimi të ulët elektoral

– transparenca jo gjithnjë e garantuar

Rezultatet në rang vendi

Vijon numërimi i votave në të gjitha qarqet kryesore të vendit.

Në orën 14:00, ka një rënie të PS-së në rang vendi.

PS-ja me këtë trend nuk ka më 76 ose 75 mandate por ka rënë në 73 mandate.

PD-ja është ngritur në 43 mandate, LSI-ja 19 mandate dhe PDIU 4 mandate.

Deri tani janë numëruar 2707 kuti nga 5362 totali.

Kreu i PD-së, Lulzim Basha, u ka dërguar një mesazh numëruesve dhe komisionerëve të Partisë Demokratike duke u bërë thirrje të që të mos lejojnë asnjë deformim sepse çdo votë vlen dhe duhet numëruar dhe duhet llogaritur deri në fund.

Të dashur komisionerë, numërues dhe vëzhgues të PD: Numërimi i votave vazhdon në kushte të vështira për ju, të orëve të gjata, të vapës dhe nën presionin e kundërshtarëve.

Secili prej jush ka mirënjohjen më të thellë dhe mbështetjen totale të demokratëve dhe timen për të garantuar numërimin deri në fund të çdo vote.

Mos lejoni asnjë deformim, asnjë tjetërsim të vullnetit. Çdo votë vlen, çdo votë duhet numëruar, çdo votë duhet llogaritur deri në fund.

Për demokratët dhe të gjithë qytetarët e ndershëm të këtij vendi, ju jeni shembulli më i lartë i kurajos politike dhe qytetare. Lulzim Basha”, thuhet në mesazhin që Basha u ka dërguar komisionerëve dhe numëruesve nëpër qendra votimi.

Kandidati i PD-së, Nard Ndoka, ka reaguar pas rezultateve paraprake që e nxjerrin PD-në një humbje të thellë.

Ndoka shkruan se në këto zgjedhje përveç shpirtit të demokratëve gjë tjetër është blerë.

Reagimi i Ndokës:

https://www.facebook.com/NardNdokaOfficialPage/posts/10155428786674441

Ka përfunduar numërimi në qytetin e Skraparit.

Në këtë qytet LSI ka dalë forcë e parë me 4335 vota, në vendin e dytë PS me 2937 vota kurse PD ka marrë vetëm 460 vota.

Në Fier ka përfunduar numërimi i 182 kutive nga 592 ku Partia Socialiste është kryesuese me 57.76% të votave.

PD vjen e dyta me 24.97% të votave. LSI renditet e treta me 12.14% të votave.

Nëse ruhet ky trend atëherë në Fier 16 mandatet ndahen si më poshtë.

Petrit Kozma Vasili                          LSI

Robert Thoma Bitri                         LSI

Erion Mirdash Braçe                       PS

Adelina Petraq Rista                       PS

Bashkim Muhamet Fino                 PS

Ismet Shyqyri Beqiraj                      PS

Antoneta Nasi Dhima                      PS

Bujar Avdulla Çela                            PS

Tatiana Nuredin Piro(nurçe)         PS

Anduel Fatmir Xhindi                     PS

Gramoz Kaso Ruçi                            PS

Xhevit Qemal Bushaj                       PS

Enkelejd Lutfi Alibeaj                      PD

Genc Stefan Pollo                             PD

Myslim Nazif Murrizi                      PD

Luan Ramadan Baci                        PD

Deri tani janë numëruar 1745 nga 5362 kuti në të gjithë Shqipërinë. Deri tani PS është duke fituar me mbi 51.39% të votave, e ndjekur nga PD me 28.53% të votave dhe LSI me 15.65% të votave.

Bazuar tek numërimi i kutive të deritanishme votat në parlamentin e ri do jenë si më poshtë.

PS – 76 mandate

PD – 41 mandate

LSI – 20 mandate

PDIU – 2 mandate

PSD – 1 mandat