Lideri i opozitës njëherësh kryetar i Partisë Demokratike, Lulzim Basha, nuk lë asnjë moment që i vjen mundësia për të sulmuar kundërshtarët politikë.

Këtë herë Basha i ndodhur në Shkodër për një takim elektoral, mësohet se teksa po kalonte pranë një zyre elektorale të LSI-së, i është drejtuar kryebashkiakes së Shkodrës Voltana Ademi, duke i thënë se mbështetësit e kësaj partie kanë pohuar se ishin edhe parti edhe biznes.

Voltanë isha në Kavajë, kalova te një si kjo (drejton gishtin nga zyra e LSI-së), i pyeta ju jeni parti apo biznes? Të dyja më thane.”- u shpreh Basha, ndërkohë që si kryebashkiakja ashtu edhe të tjerët që ndodheshin pranë qeshën me batutën e tij.

Autoritet e policisë kanë bërë me dije, se kanë nisur hetimet ndaj një 35-vjeçari, me banim në Tiranë, i cili ka kërcënuar një efektive të policisë.

Sipas raportimit në fjalë thuhet se Ndriçim Boshnjaku, 35 vjeç, banues në Tiranë, akuzohet për kanosje dhe shqetësim me anë të telefonit ndaj efektives E.TH., 25 vjeçe, banuese në qytetin e Korçës. Efektivja në fjalë punonte në Seksionin e Qarkullimit Rrugor në polici.

Efektivja ka thënë në polici, se kanë qenë telefonatat dhe mesazhet ato që e kanë shtyrë të bëjë kallëzimin pranë autoriteteve.

10 nga 21 të arrestuarit dy muaj më parë si të përfshirë në trafikun e 10.2 ton drogë nga Durrësi drejt Italisë janë lënë të lirë nga Gjykata e Apelit të Krimeve të Rënda.

Lirimi i tyre ka ardhur pasi sipas Gjykatës së Apelit nuk prova që i lidhin ata me trafikun e drogës, ndërkohë që në burg kanë mbtur vetëm 5 persona e të tjerët arrest shtëpie me mbikëqyrje elektronike.

Në mesin e personave të liruar janë agjentë doganorë, punonjës të doganës dhe efektivë të policisë me detyrën e kontrollorëve.

Të dyshuarit e kësaj dosje, që tashmë janë liruar, u akuzuan nga prokuroria se me mosveprimet e tyre kanë favorizuar dy kamionë, të ngarkuar me rreth 10 tonë drogë që u kapën në Itali, për të kaluar pikat e kalimit kufitar të Qafë Thanës dhe portit të Durrësit.

Ministri i Brendshëm, Dritan Demiraj i shoqëruar nga Drejtori i Përgjithshëm i Policisë së Shtetit Haki Çako, kanë zhvilluar takime me Drejtoritë e Policisë Kukës e Dibër, ku në fokus të takimeve kanë qenë masat për një proçes zgjedhor të paprekshëm si dhe parandalim të përdorimit të parave me burim kriminal në blerjen e votës.

Ndër të tjera, Ministri Demiraj përgëzoi Drejtorinë Vendore të Kukësit për masat për moslejimin e kultivimit të kanabisit në qark (në kufijtë e minimales) dhe kërkoi angazhim profesional për lehtësimin e radhëve të gjata në Pikat e Kalimi Kufitar të qarkut Kukës.

Ministri Demiraj garantoi gjithashtu mbështetje maksimale të Policisë për arritjen e misionit.

Analisti Ilir Kulla, në profilin e tij në Facebook, ka publikuar një foto ku shihet bashkë me ish-kryeministrin Sali Berisha.

Berisha është nisur dje për në Hungari i ftuar nga kryeministri Victor Orban ku do të marrë pjesë në diskutimet lidhur me stabilitetin e Ballkanit Perëndimor.

Gjatë udhëtimit me avion analisti ka shkrepur një foto me Sali Berishën dhe e ka publikuar me këtë shënim:

Me Presidentin dhe Kryeministrin Dr. Sali Berisha në një foto miqësore jashtë politikës.