Drejtori i Përgjithshëm i Policisë, Haki Çako, ashtu siç kishte paralajmëruar ka dalë në konferencë për shtyp ku ka folur për arrestimin e 24-vjeçarit, Mikel Shallari, i cili është i dyshuari kryesor për vrasjen e komisar Artan Cukut.

‘Autori i vrasjes së Artan Cukut është Mikel Shallari, 24 vjeçar, i lindur në Kuçovë dhe banues në Tiranë. Roli i tij në këtë ngjarje është ekzekutor. Ka edhe persona të tjerë që janë bashkëunëtorë dhe janë shallur në kërkim. Provat e gjetura deri tani janë të konsiderueshme dhe vijon puna për dokumentimin e provave të tjera dhe bashkëpunëtorëve në krim. Shallari nuk e ka pranuar krimin por provat që e lidhin atë me vrasjen janë të pakundërshtueshme.’

Mikel Shallari është emri i të riut, i cili u ndalua orët e para të mëngjesit të sotëm në Tiranë, pranë Pallatit me Shigjeta. Ai dyshohet si personi që ka ekzekutuar komisar Artan Cukun në kryeqytet në daën 8 prill pranë rrugës së Kosovarëve teksa po ngjitej në banesën e tij.

I dyshuari Mikel Shallari nga Kuçova, po udhëtonte me një makinë me një mikeshën dhe një mikun e tij, kur është ndaluar nga efektivët.

Ai ishte në kërkim pasi policia e kishte identifikuar përmes provave që kishte mbledhur në vendin e ngjarjes. Kanë qenë agjentë civilë që e kanë bllokuar makinën e tij dhe e kanë prangosur në vend, ndërsa mësohet se Shallari nuk ka bërë rezistencë.

24-vjeçari është zbuluar përmes ADN-së, pasi gjurmë të ADN-së së tij janë gjetur në një bluzë që dyshohet se ai e kishte hequr pas vrasjes së Cukut dhe më pas e ka hedhur disa metra tutje.

Ende nuk dihet cili është motivi i vrasjes edhe pse hetimet janë shtrirë në disa pista.  Mësohet se Mikel Shallari është person me precedentë penalë, i njohur për shpërndarje dhe përdorim të lëndëve narkotike.

Pas arrestimit ai është marrë në pyetje në Drejtorinë e Policisë së Tiranës, ku ka mbërritur para pak çastesh edhe Drejtori i Përgjithshëm i Policisë, Haki Çako.

Policia ka shoqëuar një 24-vjeçar i cili dyshohet se ekzekutuesi i komisar Artan Cukut para disa javësh teksa po shkonte në banesën e tij.

24-vjeçari Mikel Sh. U ndalua pranë ‘Pallatit me Shigjeta’ së bashu me dy persona të tjerë dhe po merret në pyetje në polici.

Mësohet se ai po udhëtonte me një makinë me një mikeshën dhe një mikun e tij. Kur është ndaluar nga efektivët.

Mikel Sh. nga Kuçova ishte në ndjekje pasi policia e kishte identifikuar përmes provave që kishte mbledhur në vendin e ngjarjes. Kanë qenë agjentë civilë që e kanë bllokuar makinën e tij dhe e kanë prangosur në vend. Ai nuk ka bërë rezistencë.

24-vjeçari u zbulua përmes ADN-së. Gjurmë të ADN-së së tij janë gjetur në një bluzë që dyshohet se ai e kishte hequr pas vrasjes së  Cukut dhe më pas e ka hedhur disa metra tutje.

Ilir Meta ka marrë pjesë në një miting elektoral në qytetin e Lushnjes ku ka sulmuar ashpër kryeministrin Rama.

Sipas tij, Rama është një timonier i lodhur, që e ka mendjen te karrigia e tij dhe nuk mendon për popullin që kërkon largohet.

Presidenti i zgjedhur Ilir Meta tha nga Lushnja se karteli i kanabisit kërkon të trembë njerëzit e punësuar në shtet për të mbrojtur shushunjat e koncesioneve.

‘Forcë e parë, forcë e paparë është LSI-ja, është rinia. Erdhi fundi i kartelit të kanabisit dhe të krimit që kërkon të trembë njerëzit që janë në punë në zyrat e shtetit për të mbajtur karriget e shushunjave të koncesioneve.

Njerëzit duan të ikin nga Shqipëria siç thoshte dhe Gallup, sepse siç shkruante Dritëro Agolli, në vitin ’94 kur Saliu i parë u çmend dhe donte të bënte një Kushtetutë që të merrte edhe ai një tepsi dhe një kusi të madhe për vete, Dritëroi para referendumit shkruajti ca fjalë të thjeshta që i kuptuan të gjithë; ‘në vendin tim, në vendin tënd një kokë e çmendur të gjithë po i çmend’.

I bëj thirrje 600 mijë të rinjve në Shqipëri që të mos u shkoj mendja të largohen nga Shqipëria. Por jo vetëm, por të rikonfirmojnë votën për LSI-më forcë e parë. 1 milion shuplaka duhen kundër gjithë oligarkisë. 1 milion shuplaka duhen kundër oligarkisë në mënyrë që të kenë shanse gjithë të rinjtë e Lushnjës dhe gjithë Shqipërisë. 

Dy ish-emigrantë të cilët duan të përzënë të gjithë shqiptarët nga Shqipëria për llogari të oligarkëve, të cilët i detyruan të bëjnë një marrëveshje kundër zgjedhjeve, për të vazhduar të marrin si shushunja prej koncesioneve që kanë shëndetësia tek burimet natyrore. 56 për qind e shqiptarëve duan të ikin. Le të kthehen këta në emigracion.

Nuk mund të bëjnë shtet ata që u janë nënshtruar interesave të disa oligarkëve të pashpirt. Nuk mund të fajësojnë LSI-në për financimet, pasi ata ishin në qeveri që i caktonin në kundërshtim të qëndrimit publik të LSI, i caktonin bujqësisë subvencione sa 1 e 5-ta e Kosovës, sepse fondet i çuan për palmat që janë tharë, për palmat më të shtrenjta në botë. Fondet i çuan për kulla të shëmtuara që kanë shkatërruar Korçën. Nuk kishin hallin e bujqësisë, por vetëm hallin e tepsisë.’ – tha Meta.

Monika Kryemadhi ka marrë pjesë në një miting elektoral ku nuk ka lënë ka thumbuar kreun e qeverisë, Rama.

Sipas Kryemadhit, Rama e do timonin duke harruar se autobusi do jetë i LSI-së.

‘Rama do timonin, por harron qe autobuzi do jetë i LSI-së, pastaj ai gjithmone ka dashur, por në fund do i ngeli vetem koka e marshit.’

Janë gjetur dhe asgjësuar 172 bimë narkotike në Durrës, në dy fshatra të ndryshme dhe po procedohen penalisht kryeplaku i fhsatit dhe dy inspektorë pyjorë.

Sipas policisë, 40 bimë kanabis sativa janë gjetur në fshatin Shetajnë në vendin e quajtur degëzimi “Përroi i Mullirit”, 132 bimë janë gjetur dhe asgjësuar në fshatin Mallkuq, në vendin e quajtur “Përroi i Sharrit”.

Ende nuk dihen kush janë autorët e mbjelljes dhe kultivimit të këtyre bimëve narkotike, por policia ka nisur procedim penal për R. M., 61 vjeç, banues në fshatin, Kryeplak i fshatit Shetaj; E. C., 28 vjeç, banues në Durrës, Inspektor i Shërbimit Pyjor Durrës; A.Ç., 30.vjeç, banues në Durrës, Inspektor i Shërbimit Pyjor Durrës.
Materialet i kaluan Prokurorisë së Durrësit dhe të Krujës për veprime të mëtejshme për veprën penale “Kultivimi i bimëve narkotike”.