Gjatë një takimi elektoral me simpatizantë të partisë së tij, Kandidati i SFIDA në Tiranë, Gjergj Bojaxhi u shpreh se SFIDA nuk bëhet pjesë e koalicioneve ppër të ndarë tortën e pushtetit.

Për 30 ditë, ata që tani janë së bashku në qeveri, PS, PD, LSI, etj, do të shajnë njëri-tjetrin dhe do të përpiqen të bindin shqiptarët që partia e secilit është e keqja më e vogël. Pas zgjedhjeve do të ulen sërish bashkë për të ndarë tortën e pushtetit.

Sfida për Shqipërinë ka vendosur që këtë mandat nuk do të rreshtohet në asnjë koalicion qeverisës. Ne do të luftojmë për interesin e qytetarëve duke shfaqur idetë dhe bindjet që kemi si opozita e qytetarëve.

Demokratët e pakënaqur, socialistët e zhgënjyer, votues të mëparshëm të LSI-së që kuptojnë se Shqipëria nuk mbahet me vjedhje apo qytetarët e pavarur kanë te SFIDA mundësinë për një opozitë të vërtetë”, u shpreh Bojaxhi.

OSHEE ka njoftuar se ditën e sotme gjatë orës 16:30 deri në orën 17:15 disa zona në kryeqytet do të jenë pa energji elektrike.

Sipas OSHEE, shkak i kësaj ndërprje të energjisë elektrike është kontrolli i deturuar që ka të bëjë me mirëmbajtjen e rrejtit.

Pa energji gjatë kësaj kohe do të jenë këto zona në Tiranë:

Torre Drini, Rr.”Luigj Gurakuqi”, Sheshi “Avni Rustemi”, Rr “Tefta Tashko Koco”, “Beqir Luga”, “Fadil Rada”, “Vllazën Huta”, “Bardhyl”, Zona pranë Ministrisë së Jashme, Rr. Durrësit, “Ded Gjoluli”, “Mihal Duri”, “Pjetër Bogdani”, “Vëllezërit Manastirliu”, “Naim Frashëri”, “Kongresi i Përmetit”, Ministria e Arsimit, Stabilimenti, Rr. “Islam Alla”, “Mujo Ulqinaku”, Katedralja At Luij Monti, Rr. Dibrës, Rr “Hoxha Tahsim”, Rr, Elbasanit, Amb. Amerikane, Rr. Pjetër Budi, Rr Karl Topia, Rr. Petro Nini Luarasi, Rr. Vath Koreshi, Rr.Shyqyri Ishmi, Rr, Todi Shkurti, Rr. Elbasanit, Rr. Themistokli Germenji, Pranë TVSH, Rr. Dëshmorët e 4 Shkurtit, Rr. Vaso Pasha, Rr. Lidhja e Prizrenit, Delta Konstruksion, LID.

Ka shkuar në 13 numri i grave dhe vajzave të helmuara në fabrikën e këpucëve në Bubq të Fushë-Krujës.

Fillimisht në mëngjes ishin rreth 8 punonjëse që u dërguan për ndihmë mjekësore në spitalin e Fushë-Krujës me simptoma helmimi si marrje mendsh, të vjella e mpirje gjymtyrësh.

Në mesditë në spital janë dërguar të tjera vajza dhe gra dhe puna në fabrikë është pezulluar deri në sqarimin e situatës.

Lidhur me gjyqin ndaj Tom Doshit, Gjykata e Lartë ka pranuar kërkesën e prokurorisë të thirren të gjithë dëshmitarët.

Prokuroria ka kërkuar dëshmitarë politikanët, Rama, Berisha, Meta, Tahiri.

Ndërkaq nuk është pranuar të merret në pyetje në cilësinë e dëshmitarit kryeprokurori Adriatik Llalla.

Gjykata do shprehet më vonë për ballafaqimin mes Doshit dhe Tahirit dhe Artan Didit.

Përveç kësaj, gjylata ka refuzuar të marrë si provë bisedën telefonike mes Ilir Metës dhe Spartak Brahos.

Seancës e radhës për gjyqin ndaj Tom Doshit është caktuar në datën 21 qershor në orën 13:00.

Deputetja e PD-së, Majlinda Bregu ka reaguar pas helmimit të 13 punonjëseve në një fabrikë në Bubq të Fushë-Krujës.

Bregu me anë të një postimi në Facebook shkruan se autoritetet shtetërore duhet të zbardhin ngjarjen.

Bregu i bën thirrje Kryeministrit Rama të heqë dorë nga lajkat sepse gratë kanë nevojë për punë, shëndet dhe siguri.

Reagimi i plotë i Bregut:

Mos i helmoni gratë!
Të vjen para syve, që në pikë të mëngjesit, një lajm si ky i helmimit të 11 vajzave dhe grave, punëtore në një fabrikë këpucësh në fshatin Bubq të Fushë- Krujës, si për ta përplasur edhe njëherë, pamëshirë, një nga problemet më të mëdha: mungesën e sigurisë në vendet e punës.
Shëndeti i vajzave dhe grave është vënë në rrezik nga substancat tretëse, që përdorka fabrika. Ato janë dërguar me urgjencë në spital sot në mëngjes.
Me po kaq urgjencë, specialistët e fushës dhe autoritetet vendore duhet të zbardhin ngjarjen dhe të vendosin para përgjegjësisë personat përgjegjës.
Uroj që të shërohen sa më parë por pavarsisht kësaj helmi që i preku ndërsa ato punonin kokëulura për të kapur normën e ditës, s’duhet t’u dalë edhe aq lehtë njerëzve përgjegjës për çfarë ndodhi sot e rrezikon të përsëritet kudo ku mbizotëron makutëria e papërgjegjshmëria në rrobaqepsi, fabrika këpucësh apo sektorë të tjerë të biznesit fason dhe jo vetëm.
Strukturat shtetërore bëjnë mirë ta lënë për një moment mënjanë fushatën elektorale dhe nisur edhe nga ky rast, të analizojnë të gjitha mundësitë që ofron ligji për t’u ofruar mbrojtje dhe kushte normale në ambjentet e punës për të gjitha gratë dhe vajzat që punojnë në to.
Kryeministri dhe gjithë banda e tij elektorale bëjnë mirë t’i lënë për një moment mënjanë premtimet e gënjeshtrat e mëdha, e sidomos ato lavdet e lajkat për gra e vajza të bukura, sepse më shumë se për këtë steriotip ato kanë nevojë për punë, shendet e siguri.

Dhe shëndetin, në fakt, më shumë se për veten, gratë e duan për fëmijët e familjen, tek e cila kthehen gjithmonë për të shërbyer, sado të sfilitura qofshin. Gratë ndjehen vetë të bukura kur kanë gjithçka u duhet të kenë. Veç helmin s’ja kanë borxh makutërve të biznesit a pushtetit.

Kreu i Partisë Demokratike njëherësh lider i opozitës, Lulzim Basha, ka shpalosur nga Gjirokastra për herë të parë planin e tij mbi të ardhmen e deputetëve, nëse këta të fundit nuk do të përgjigjen vazhdimisht para zgjedhësve.

Duke folur për atë që ai e quan Republika e Re, Basha u shpreh se pushteti do të jetë i popullit, dhe se në bazë të ndryshimeve kushtetuese do të vendoset që deputeti të mund të shkarkohet nga qytetarët, nëse ai nuk u përgjigjet për detyrën e ngarkuar.

Me ndryshimet kushtetuese, ju do të keni të drejtën ta shkarkoni deputetin në qoftë se nuk ju përgjigjet”, – u shpreh Basha, por nuk tregoi mekanizmin që do të ndiqet për këtë gjë.