Komisioni Qendror i Zgjedhjeve në mbledhjen e sotme ka miratuar listat shumëemërore të 15 partive që janë regjistruar për të marrë pjesë në zgjedhjet e 18 qershorit.

15 subjektet zgjedhore do i nënshtrohen më pas shortit për të përcaktuar renditjen në fletën e votimit.

Partitë që do marrin pjesë në zgjedhje

Partia Komuniste e Shqipërisë

Sfida për Shqipërinë

Partia Minoriteti Etnik Grek për të Ardhmen

Partia Lista e Barabartë

Aleanca Popullore për Drejtësi

Partia Demokracia Sociale

Partia Aleanca Demokratike

Partia Kristian Demokrate

Levizja Socialiste për Integrim

Partia Aleanca Arbnore Kombëtare

Partia për Drejtesi Integrim Unitet

Partia Social Demokrate

Partia Socialiste

Fryma e re Demokratike

Partia Aleanca Demokristiane

Një aksident i rëndë ka ndodhur në aksin Milot-Mamurras, ku si pasojë ka mbetur e vdekur një grua.

Autori i aksidentit është Mëhill Ndrecaj ndërsa viktima është identifikuar si Zenepe Ujçaj.

Gruaja ishte duke kaluar rrugën nga njëra anë në tjetrën kur është aksidentuar për vdekje.

Ish-kryeministri Berisha ka publikuar një status në Facebook, ku denoncon pjesëmarrjen e policisë në takimet elektorale të Partisë Socialiste në Memaliaj.

‘Çunat e Krimit te Narko-Policise, ne takime elektorale te paraqitjes se Narko-Kandidateve! Sb’

Në fjalën e tij nga çadra, kreu i PD-së, Basha, ka hedhur akuza edhe ndaj disa diplomatëve europianë në Shqipëri, që sipas tij nuk e shohin realitetin e drogës në vend, por sulmojnë opozitën.

‘A mund të ketë demokraci pa themelin e demokracinë që është vota e lirë. Sot për fat të keq po përvijohen dy Europa. Europa që ne duam, e lirisë, e barazisë, e të drejtës dhe ligjin, e konkurrencës së ndershme. Për fat të keq, kemi parë edhe një faqe të shëmtuar që kurrsesi s’mund të përfaqësojë Europën e vërtetë. E kam fjalë për ata që nuk e shohin drogën, edhe po u rritet përballë ballkoneve të tyre të vilave luksoze. Ata jo vetëm që i shërbejnë i qeverisë, por e kanë kthyer në mision luftën ndaj opozitës’, tha kreu i PD-së, Basha.

Në datën 6 Maj hyri në fuqi ligji ‘Për pagesën dhe fshirjen/shuarjen e detyrimeve tatimore, detyrimeve të pagueshme në doganë, si dhe procedurën e heqjes nga qarkullimi të mjeteve të transportit pas fshirjes/shuarjes së detyrimeve tatimore’.

Administrata tatimore bën të ditur se përfituesit e këtij ligj janë tatimpaguesit e regjistruar në regjistrin aktiv dhe atë pasiv ,me përjashtim të atyre që janë dënuar me vendim gjyqësor të formës së prerë për vepra penale në fushën tatimore dhe/ose doganore, në kuptim të legjislacionit të fushës.

Të gjithë këta persona duhet të mbajnë në konsideratë se :

Në zbatim të dispozitave të ligjit të lartpërmendur shumë shpejt do të miratohet dhe publikohet Udhëzimi i Ministrit të Financave, në të cilin më hollësisht do të përcaktohet edhe procedura që do të ndiqet.

Njëkohësisht, Drejtoria e Përgjithshme e Tatimeve, ka përgatitur një plan veprimi për zbatim nga të gjitha strukturat e saj të përfshira në këtë proces. Nga korrespondenca dhe komunikimi i deritanishëm, konstatojmë që interesi i tatimpaguesve për të përfituar nga lehtësitë e këtij ligji është i lartë, ndaj dhe gjejmë rastin të kujtojmë se:

Për të gjithë tatimpaguesit që përfshihen nga fusha e zbatimit të këtij ligji, me kushtin që gjobat dhe kamatëvonesat e të cilëve, fshihen pas pagesës së detyrimeve tatimore dhe detyrimeve të kontributeve të sigurimeve shoqërore e shëndetësore, e drejta e pagesës së këtyre detyrimeve (principalit) ju lind nga data 8 Maj 2017.

Duke filluar nga dita e hënë, 8 Maj 2017, administrata tatimore, fton dhe nxit tatimpaguesit, që të ushtrojnë të drejtën e përfitimit nga ky ligj, duke shlyer detyrimet financiare të cilat ligji i kërkon si kusht paraprak.

Me paraqitjen e pagesave të detyrimeve të prapambetura, në mënyrë të menjëhershme, sipas kërkesës së tyre, tatimpaguesve do t’u jepet konfirmimi sipas të cilit ata nuk kanë më detyrime kundrejt administratës tatimore.

Për çdo paqartësi të gjithë tatimpaguesit, mund të drejtohen pranë zyrave të drejtorive rajonale tatimore ku janë regjistruar.

Tatimet kujtojnë gjithashtu se:

Fshihen/shuhen pa kusht

-Detyrimet tatimore të papaguara, që i përkasin periudhave tatimore Dhjetor 2010 e më parë, përveç kontributit të sigurimeve shoqërore e shëndetësore, si dhe rasteve kur parashikohet ndryshe në ligj.

-Dënimet administrative (gjobat) dhe kamatëvonesat për sigurimet shoqërore e shëndetësore, që rezultojnë të regjistruara në llogarinë e subjektit.

Fshihen/shuhen me kusht:

Gjobat dhe kamatëvonesat, që rezultojnë të papaguara në datën e hyrjes në fuqi të këtij ligji, me kushtin që, brenda datës 31.12.2017, të paguhet i plotë tatimi/taksa/kontributi për:

-Detyrimet tatimore, që u përkasin periudhave tatimore janar 2011-Dhjetor 2014, duke u aplikuar sipas llojit të tatimit;

kontributet e sigurimeve shoqërore dhe shëndetësore, që u përkasin periudhave tatimore Janar 2011-Dhjetor 2014;

taksat të papaguara, që u përkasin periudhave tatimore Janar 2011-Dhjetor 2014.

-Detyrimet tatimore të papaguara (me përjashtim të kontributeve të sigurimeve shoqërore dhe shëndetësore, si dhe të detyrimeve të vetdeklaruara dhe të papaguara) të shoqërive me kapital 100 për qind shtetëror,që operojnë në sektorin elektroenergjetik , që i përkasin periudhave tatimore nga 1.1.2011 deri më 31.12.2013.

-Për detyrimet e këtyre shoqërive për periudhën Janar deri në Dhjetor 2014, fshihen/shuhen gjobat dhe kamatëvonesat që rezultojnë të papaguara në datën e hyrjes në fuqi të këtij ligji, me kushtin që brenda datës 31.12.2017 të paguhet i plotë tatimi/taksa/tarifa/kontributi;

detyrimet tatimore të papaguara, me përjashtim të kontributeve të sigurimeve shoqërore dhe shëndetësore, të shoqërive që operojnë në sektorin ujësjellës-kanalizime dhe janë 100 për qind me kapital shtetëror, që u përkasin periudhave tatimore nga 1.1.2011 deri më 31.12 2013.

-Gjobat dhe kamatvonesat për kontributet e sigurimeve për këto periudha fshihen/shuhen, me kusht që brenda datës 31.12.2017 të paguhet i plotë kontributi. Për detyrimet e këtyre shoqërive për periudhën Janar deri në Dhjetor 2014, fshihen/shuhen gjobat dhe kamatëvonesat që rezultojnë të papaguara në datën e hyrjes në fuqi të këtij ligji, me kushtin që brenda datës 31.12.2017 të paguhet i plotë tatimi/taksa/tarifa/kontributi.

Basha, ka folur ditën e sotme nga çadra para kryeministrisë ku ka sulmuar ashpër mediat që nuk transmetojnë zërin e qytetarëve ndërsa ka bërë thirrje që qytetarët t’i bojkotojnë mediat e blera nga Rama.

‘Ndiqni zërin e lirë në Facebook sepse aty nuk ka censurë, bojkotoni median e kontrolluar nga republika e vjetër. Ato mediat merren me tallavatë e Edi Ramës. Mediat janë arma më e fortë e pushtetit të republikës së vjetra. Braktisni ekranet e turpit dhe gazetat e turpit. Janë pjesë e komplotit ekonomik. Marrin kockat që ju hedhin Edi Rama dhe të tjerët që janë ulur në sofër. Populli më i varfër në Europë grabitet ditë për ditë nga komploti ekonomik.’

Basha ka deklaruar se zgjedhje në datën 18 qershor nuk do ketë ndërsa ka folur edhe për KQZ-në të cilën e konsideron si mbrojtëse të paligjshmërisë.

‘Zgjedhje nuk do ketë, Rama e Meta lodhen kot. KQZ është bërë mburojë e paligjshmërisë pasi nuk jep listat e kandidatëve për deputet. KQZ është kapur në krim dhe për ne nuk ekziston më.’