Drejtori e Policisë së Beratit ka zhvilluar ditën e sotme një operacion masiv antidrogë.

Nga kontrolli i ushtruar në fshatin Përparim si dhe në rrugën nacionale Poliçan-Bogovë janë sekuestruar deri më tani rreth 1.5 ton drogë.

Ndërkohë, për drogën e sekuestruar janë shoqëruar në komisariaton e Beratit 6 persona si dhe 3 të tjerë janë shpallur në kërkim.

Në rrugën nacionale Poliçan-Bogovë, si rezultat i zhvillimit të operacionit, është gjetur e braktisur një  sasi e konsiderueshme lënde narkotike e futur në thasë, si dhe pjesa tjetër është gjetur nga kontrolli i ushtruar në 3 banesa.

Me anë të një statusi në Twitter, Ylli Manjani ka refuzuar të jetë pjesë e listës së kandidatëve për LSI-në për zgjedhjet e 18 qershorit.

Në postimin e tij Manjani shkruan se është në listë por jo për deputet.

“Jam propozuar për listë e jo për deputet! LSI vijoj t’i jem mirënjohës, por politika bëhet edhe si qytetar i lirë! Këtë kam bërë gjithmonë!”, shkruan Ylli Manjani.

Kryetari aktual i LSI-së, Ilir Meta në një dalje për mediat ka publikuar dhe listën e deputetëve të LSI-së në Tiranë.

Emrat e tjerë do të bëhen publikë më vonë në një deklaratë të plotë të LSI-së.

Emrat e LSI-së për Tiranën:

Klajda Gjosha

Kejdi Mehmetaj

Floida Kërpaçi

Endrit Brahimllari

Luan Rama

Klevi Pojana

Ardit Çela

Erjona Xhixha

Ylli Shehu

Edmond Rrushi

Ralf Gjoni

Rea Toptani

Adela Karapici

Petrit Vargu

Fjona Dani

Fatos Kaja

Kristi Xherahu

Nga 36 emra të kandidatëve, 19 prej tyre janë nga  LRI.

Kryetari i Partisë Republikane, Fatmir Mediu po zhvillon një vizitë disa ditore në Washington DC ku ka zhvilluar takime në Senat dhe në Kongres si dhe do ketë takime me përfaqësues të Shtëpisë së Bardhë dhe Departmentit Amerikan të Shtetit.

Në ditën e parë të vizitës Mediu takoi Senatorin Mike Lee, i cili premtoi se ata do të ndjekin me vëmendje situatën në Shqipëri dhe çështjet zgjedhore, dhe situatën e korrupsionit dhe krimit të organizuar.

Ne jemi në kontakt të vazhdueshëm me Departamentin e Shtetit, theksoi ai dhe do të këmbëngulim së bashku që Shqipëria të ketë zgjedhje të lira dhe të ndershme, si dhe një qeverisje që garanton besimin e qytetarëve shqiptarë për zgjedhje të lira. Zgjedhjet pa opozitën do të jenë të papranueshme dhe një kthim prapa”, tha senatori Lee.

Ndërkohë, Mediu zhvilloi dhe një takim me Kongresmenin Steve King, i cili do të vizitojë Shqipërinë së shpejti, King theksoi se jo vetëm qe zgjedhjet duhet të jenë të lira dhe të ndershme, por besimi i qytetarëve në to përbën themelin e demokracisë.

Po ashtu, në vazhdën e takimeve Mediu zhvilloi një mëngjes pune në Kongres me kongresmenët Jeff Forrtbery, John Moolinar dhe Robert Aderholt, të cilët theksuan se mbështetja që iu dha Shqipërisë nga SHBA për t’u bërë vend anëtar i NATO-s, u bazua mbi një shtet që duhet të funksionojë në mënyrë demokratike, një vend dhe qeveri që respekton vullnetin e qytetarëve për zgjedhje të lira, dhe lufton krimin dhe korrupsionin.

Zhvillimet në drejtim të kundërt të Shqipërisë janë të papranueshme dhe përpara kësaj situate të rënduar politike kërkohet dialog me opozitën dhe të ndertohen kushte për zgjedhje të lira dhe të ndershme. Takimet vazhdojne në Kongres dhe në Departmanetin e Shtetit.

Kryetari i Partisë Social Demokrate, Skënder Gjinushi, në një intervistë në News24, deklaroi se pas zgjedhjes së Ilir Metës president, PS nuk ka më nevojë të qeverisë me LSI-në.

Në fjalën e tij, Gjinushi u shpreh se zgjedhja e Metës si President ishte një skenar i përfolur dhe më parë, por jo për tani.

Më tej, Gjinushi shtoi se gjithashtu PD mbeti jashtë loje për zgjedhjet, dhe tashmë PS nuk ka më nevojë për LSI-në.

Një ngjarje e pazakontë ka shoqëruar ditën e sotme qytetarët në parkun e Tiranës, ku një 80-vjecar ka tentuar të mbytej në Liqenin Artificial.

Pas raportimin të bërë në polici, forcat Shqiponja kanë shkuar menjëherë në vendin e ngjarjes duke i ardhë në ndihmë shtetasit M.Bona me mjete rrethanore, dhe duke e nxjerrë atë nga uji.

Autoritet thonë se ende nuk dihen rrethanat dhe shkaqet që e kanë çuar 80-vjeçarin të ndërmarrë këtë hap. Ndërkohë ato po punojnë për zbardhjen e ngjarjes.

Në prononcimin e saj të parë si “Zonja e Parë” e Shqipërisë, ajo ka thënë se e votoi të shoqin si deputete e thjeshtë dhe se termi “Zonja e Parë” në Kushtetutë nuk ekziston.

Ajo ka shkuar më tej ku thotë që nuk e ka uruar ende Metën dhe se do të pëlqente më shumë Petrit Vasilin apo Arta Daden si President. Për të shoqin ajo tha se i uron “kthjelltësi, mençuri që pozicionin të cilin ai e mori ta bëjë ashtu siç duhet bërë”.

Akoma se kam uruar se nuk jam e kthjellët për çfarë ndodhi. Mendoj se vendi ka nevojë për stabilitet dhe garanci për të mos u bërë Shqipëria dhe Maqedonia. Dhe ju nuk do të ishit të kënaqur që gazetarët të ngelin në parlamentin shqiptar herë pas herë si në parlamentin maqedonas. Unë do ti uroj që ti japë Zoti kthjelltësi, mençuri që pozicionin të cilin ai e mori ta bëjë ashtu siç duhet bërë. Shqipëria ka nevojë për shumë stabilitet dhe zhvillim të fuqishëm ekonomik. Ka nevojë për një stabilitet politik. Mua do të më pëlqente Petrit Vasili dhe Arta Dade, por nganjëherë pakica i nënshtrohet shumicës”, – tha Monika

Komenteve ndaj zgjedhjes së kryetarit të LSI-së, Ilir Meta, si Presidenti i ri i Republikës së Shqipërisë, u është bashkuar edhe djali i kryeministrit Rama, Grigori.

Me anë të një poasimi në rrjetet sociale, Grigor Rama shprehet se Meta do të jetë një President i pëqyer nga të gjithë shqiptarët brenda dhe jashtë vendit.

Ky është postimi i tij: