Policia italiane para një muaji kapi 8 ton kanabis sativa që kishte kaluar nëpër Shqipëri dhe do të përfundonte në Ankona.
Pas këtij raportimi, policia shqiptare deklaroi se droga nuk kishte kaluar nëpër Shqipëri.
Por një natë më parë policia italiane arrestoi 4 oficerë të policisë, ku u mësuar e vërteta e 8 ton kanabis.
Burime nga Prokuroria e Krimeve të Rënda tregon se droga prej 8 tonësh kanabis është marrë nga Shqipëria dhe është kaluar me mushka a me mjete të ndryshme në Maqedoni. Më pas është tentuar që të kalohej me procedura transiti nëpër vendin tonë.
Kamioni i mbushur me kanabis ka qenë transit nga Maqedonia për në Itali. Atij i janë bërë procedurat e transitit në Qafë Thanë. Me rregulloren e doganave, në rast tranzitimi, kontrolli bëhet vetëm në pikën e hyrjes.
Kamioni ka qenë i vulosur me vulën e Qafë Thanës dhe për këtë arsye, nuk i bëhet më kontroll në dalje. Ky duket ka qenë dhe shkaku që kamioni nuk është kontrolluar në Durrës, por për tu kapur më pas në Ankona me 8 ton kanabis.
Policia italiane ndaloi shoferin maqedonas të kamionit i cili duket se ka zbuluar edhe skemën e trafikut.
Mbrëmjen e djeshme u vunë në pranga 4 oficerë policie:
Çlirim Pepa, përgjegjës turni
Ervin Kodra, kontrollor hyrje-dalje
Lirim Halili, kontrollor te kabina në hyrje
Syrja Terziu, kontrollor në hyrje

Të tjera detaje janë zbuluar nga prokuroria e Krimeve të Rënda lidhur kamionin me 8 tonë marijuanë i cili më 8 shkurt 2017 u sekuestrua në territorin e Venecias. Mësohet se kamioni me rimorkio, kishte mbërritur pak orë para ndalimit me me tragetin e linjës Shqipëri- Itali.
Kamioni kishte hyrë në Shqipëri nga Maqedonia për të kaluar tranzit më pas në Itali dhe me drejtim final Belgjikën.
Dje me me vendim gjykata u arrestuan 4 punonjës të policisë të Pikës së Kalimit Kufitar të Qafë Thanës në Pogradec.
Kamioni hyri nga Qafe Thana- Prokuroria deklaron : Kamioni që drejtohej nga shtetasi maqedonas Z.S kishte hyrë në Shqipëri më 4 shkurt 2017 nëpërmjet Pikës së Kalimit Kufitar Qafë-Thanë, Pogradec dhe pasi pasi i është nënshtruar verifikimeve doganore të tij dhe dokumentacionit, është lënë i lirë për të udhëtuar tranzit në drejtim final të deklaruar, për në Belgjikë.
Kamionit s’iu be skaneri ne Durres- Prokuroria deklaron se kamioni nuk i është nënshtruar kontrollit të skanerit në portin e Durrësit dhe është lejuar të hipë në tragetin e linjës Durrës-Ankona.
“Po me datë 5 shkurt në orën 15:50, ky mjet me të njëjtin drejtues është paraqitur në dalje nga Shqipëria nëpërmjet Pikës së Kalimit Kufitar të Portit Durrës, i cili pasi i është nënshtruar procedurave të kontrollit të dokumentacionit shoqërues të tij, pa u kontrolluar në skanër, është lejuar të vazhdojë udhëtimin duke u mbingarkuar në tragetin, i cili ka udhëtuar në linjën Durrës-Ankona (Itali).
Dyshimet e italianeve- Autoritetet Italiane duke qenë se kanë dyshuar se kamioni kishte të ngarkuar lëndë narkotike kanë filluar menjëhërë hetimet proaktive.
Gjatë transportimit të lëndës narkotike, shtetasi maqedonas Z.S. është munduar që ta shkëpusë karrocerinë e kamionit për ta lënë të parkuar atë tek një parking, por kanë ndërhyrë Autoritetet Italiane dhe kanë bërë arrestimin e shtetasit maqedonas, si edhe kanë sekuestruar kamionin së bashku me sasinë e lëndës narkotike prej tetë ton.
Vulosja ne Qafë Thanë – Nga veprimet e kryera nga autoritetet italiane, rezultoi se kamioni ka qenë në gjendje të rregullt, i plumbosur dhe i vulosur në gjendje të rregullt, siç kanë qenë të vendosura nga Autoritetet Doganore Shqiptare të Degës së Doganës Qafë Thanë, në kohën kur janë ndjekur procedurat doganore.
S’u regjistrua në sistemin TIMS- Nga verifikimet prokuroria deklaron se në Qafë Thanë kamionit i është bërë një kontroll sipërfaqësor
“Rezulton se shoferi, ka ndaluar në të paktën 2-3 raste në zonën e kontrollit kufitar, ka komunikuar me punonjës policie për pak sekonda dhe më tej është larguar për në brendësi të territorit shqiptar”
Nga këqyrja e sistemit TIMS, ka rezultuar se ky kamion nuk është i regjistruar nga punojësi i policisë në hyrje të Pikës së Kalimit Kufitar Qafë Thanë. Ndërsa rezulton se është i regjistruar në dalje në Pikën e Kalimit Kufitar të Portit të Durrësit, me datë 05.02.2017, në orën 15:50, tranzit për në Itali”
“Nga këqyrja e librit të planizimit të shërbimit ka rezultuar se me datë 04.02.2017 në kohën kur ka hyrë në Shqipëri automjeti kamion, kanë qenë me shërbim në Pikën e Kalimit Kufitar Qafë Thanë Pogradec disa punonjës policie, për të cilët Prokuroria për Krime të Rënda ka kërkuar caktimin e masës së sigurisë “arrest në burg”, e cila është pranuar nga ana e Gjykatës” informon prokuroria e Krimeve të Rënda
Dje Efektivët e Shërbimit për Çështjet e Brendshme dhe Ankesave (SHÇBA) ekzekutuan arrestimin e punonjësve të Policisë, të dyshuar për veprën penale të “Trafikimit të lëndëve narkotike”, si më poshtë:
Çlirim Pepa, me detyrë përgjegjës turni
Ervin Kodra me detyrë kontrollor hyrje dhe dalje
Lirim Halili me detyrë tek kabina në hyrje
Syrja Terziu si kontrollor në hyrje.
Me kërkesë të Prokurorisë për Krime të Rënda, gjykata ka vendosur masën e sigurisë “arrest me burg”

Një ngjarje e rëndë ka ndodhur ditën e sotme në Kavajë, ku një trup i pajetë i seksit mashkull është nxjerrë nga deti në afërsi të plazhit të ‘Gjeneralit’.
Burime nga policia thanë se trupi është pikasur në sipërfaqen e ujit në distancë 5-7 milje nga Kepi i Selitës, afër plazhit të “Gjeneralit”.
Ka qenë ekuipazhi i peshkarexhes “Klajdi-2” që e ka pikasur duke pluskuar mbi ujë. Ende nuk është identifikuar viktima, ndërsa policia ndodhet në vendin e ngjarjes dhe ka nisur hetimet.

Identifikohet personi qe u gjet i vdekur ne zonen e Sazanit ne Vlore. Disa orë pas ngjarjes është bërë i mundur identifikimi i viktimës nga vete familjarët.

Sipas policise, bëhet fjalë për  Numan Lazaj, 60 vjeç. Pas identifikimit te viktimes, policia po kryen hetime ne lidhje me vdekjen e 60-vjecarit.

Gjendet nje i vdekur ne Vlore

Policia njoftoi se një trup i pajetë është gjetur mëngjesin e sotëm në afërsi të ishullit të Sazanit.

Kufoma ka rene ne rrjeten e peshkimit te disa peshkatareve qe ndodheshin ne zonen ku ndodhi ngjarja.

Ekuipazhi i një anije peshkimi, pasi kishte terhequr rrjetat ka vënë re diçka të dyshimtë që pluskonte mbi ujë rreth 1 milje larg ishullit, dhe pasi janë afruar kanë konstatuar viktimën.

Dyshohet se trupi i pajetë ka disa ditë në ujë ndersa ne vendin e ngjarjes po behet nxjerrja e kufomes per t`ia nenshtruar me pas ekspertizes e cila do te percaktoje edhe shkaqet e vdekjes.

Ne zonen ku u gjet trupi i pa jete, pak dite me pare eshte konstatuar edhe nje motoskaf i mbytur.

Policia ka gthene se po heton per nje lidhje te mundshme te te dyja ngjarjeve.

Një shtetas izraelit, i cili udhëtonte përmes aeroportit “Nënë Tereza” ditën e enjte, ka alarmuar policinë për shkak të një pajisjeje të dyshimtë që mbante në valixhe.

Gjatë kontrollit të udhëtarëve, efektivët e policisë kufitare të komisariatit të Rinasit kanë konstatuar në valixhen e tij një pajisje në formën e laptopit dhe kanë dyshuar mos bëhej fjalë për një pajisje përgjuese.

Pas verifikimeve dhe marrjes në pyetje, ka rezultuar se bëhej fjalë vetëm për një kompjuter pune dhe shtetasi izraelit është lënë i lirë.