Gjykata e Apelit për krime të rënda refuzoi lirimin nga burgu për ish-drejtorin e përgjithshëm të burgjeve Artur Zoto, i akuzuar për “korrupsion” në tenderat e furnizimit te burgjeve me ushqim.

Tre gjyqtaret, Nure Prendi dhe Gjovalin Përnocaj dhe Dhimitër Lara, nuk pranuan kërkesën e të dyshuarit dhe avokatit mbrojtës, që ti ndryshohet masa e sigurisë.

Gjyqtarët, që zhvilluan seancën gjyqësore me dyer të mbyllura, pasi dëgjuan argumentet e prokurorit dhe avokatit, lanë në fuqi vendimin e “Arrestit me burg” të dhënë nga gjykata e shkallës së parë për krime të rënda.

Ish-drejtori i përgjithshëm i burgjeve nuk u paraqit në sallën e gjyqit, duke kërkuar që të përfaqësohet nga avokati mbrojtës Theodhori Sollaku. Pas vendimit të gjykatës, avokati Sollaku nuk preferoi të komentoi vendimin edhe pse burimet thonë se brenda sallës së gjyqit, ka pretenduar se klienti i tij është ipafajshëm.

Mesohet se avokati, e ka cilësuar dëshminë e ish-zv/drejtorit të përgjithshëm Iljaz Labi tashmë me statusin e të penduarit, si jo të vërtetë. Këtë pretendim, mësohet se e ka kundërshtuar përfaqësuesi i akuzës në sallën e gjyqit.

Sipas prokurorisë, Iljaz Labi ka deklaruar se 10 % të vlerës totale të tenderit të ushqimeve për burgjet, të marrë në formën e ryshfetit nga kompanit fituese, ia ka dorëzuar ish-shefit të tij Artur Zoto.

Ky pretendim, thonë nga prokuroria, provohet edhe me përgjimin e bsiedave telefonike të izh-zv/drejtorit Labi, i cili në një nga mesazhet dërguar përfaqësuesit të kompanive fituese të tenderit të ushqimeve, të pandehurit Ylber Kalaj, i thotë mes tjerash se “paratë janë për ata lart”, duke nënkuptuar shefin e tij, tashmë të arrestuar Artur Zoto.

Për llogari të kësaj dosje, veç Zotos dhe ish-vartësit të tij Labi janë arrestuar edhe 4 përfaqësues të kompanive të ndryshme, të cilat janë shpallur fitues për tenderin e furnizimeve me ushqime në të gjithë burgjet.

Në mbledhjen me PS, Rama mori vendimin. Fatmir Xhafaj, Olta Xhaçka, Ogerta Manastirliu dhe Eduard Shalsi janë 4 emrat e rinj të qeverisë.
Fatmir Xhafa ministër i Brendshëm në vend të Saimir Tahirit
Olta Xhaçka ministre e Çështjeve Sociale në vend të Blendi Klosit
Ogerta Manastirliu ministre e Shëndetësisë në vend të Ilir Beqajt
Eduart Shalsi ministër i Pushtetit Vendor në vend të Bledi Çuçit

Adriatik Llalla ka deklaruar ditën e sotme se në kuadër të ligjit të dekriminalizimit, ka kërkuar nga KQZ-ja heqjen e mandateve për dy kryebashkiakë qe rezultojne te denuar ose te proceduar me heret per vepra penale qe dhe nuk i kane deklaruar keto ne formularin e dekriminalizimit.
Prokurori i Përgjithshëm Adriatik Llalla ka bërë të ditur sot se i ka kërkuar KQZ-së, heqjen e mandatit edhe për 2 kryebashkiakë të tjerë, duke zbuluar emrat e Artur Zotajt dhe të Tërmet Peçit.
“I kemi kërkuar KQZ-së t’i hiqet mandati, dy kryebashkiakëve, – tha ai, – kreut të bashkisë së Poliçanit, Artur Zotaj dhe atij të Tepelenës, Tërmet Peçit. Ka nisur një procedim për falsifikim dokumentesh. Dekriminalizimi duhet të zbatohet para zgjedhjeve.”
Deklarata e fortë e Llallës u bë gjatë analizës vjetore të Prokurorisë së Gjirokastrës.

Deputeti i PS-së, Vladimir Kosta i ka kërkuar PS-së të divorcohet nga aleanca me LSI dhe të dalë e vetme në zgjedhje.

Pas deklaratave të ministrave të LSI-se qe e pranuan publikisht se duan Metën kryeministër, Kosta, me një postim të gjatë në faqen e tij në Facebook, ka ironizuar, duke u thene qe ta provojne te fitojne 25% te votave dhe pastaj “le ta kene hallall Metën kryeministër”.

Postimi i Kostës:

BAZA E PARTISË SOCIALISTE ËSHTË SHUMË MË E QARTË PËR DIVORC TË MENJËHERSHËM ME LSI !

Që PD kërkon largimin e Ramës nuk është ndonjë çudi, e ka kërkuar që ditën e parë që Rama mori detyrën. Çdo parti që është në opozitë qëllimin kryesor ka të largojë Kryeministrin, njeriun që i hoqi asaj pushtetin. Ndaj nuk ja vlen të zgjatemi me idetë idiote që vijnë nga çadra e bulevardit.

Por në situatën kur kërkohet largimi i Qeverisë së PS, deklarimet e ministrave të aleatit tonë kryesor se Kryeministri duhet të jetë nga radhët e tyre, ngjajnë më e pakta jashtë realitetit.

Si biznesmen dhe politikan unë i kuptoj deklaratat e Znj. Gjosha dhe Z. Panariti. Kanë të drejtë që të endërrojnë Ilir Metën Kryeministër, ndaj janë dhe në LSI.

Patjetër që duhet ta shohin Metën si Kryeministër, por pasi të fitojë shumicën e votave të vetëm, pa aleancë. Nëse i vetëm fiton qoftë edhe 25 % të vendeve në parlament, hallall ja bëjmë postin e kryeministrit!

Por aktualisht, çështjen e Kryeministrit e ka zgjidhur Kushtetuta se cilës forcë politike i takon. Deklarime të tilla zakonisht bëhen edhe nga parti më të vogla në kohë fushate dhe unë nuk di të ketë nisur fushata ende. Nëse doni Kryeministrinin, dilni më vete dhe provojeni ta merrni.

Ndërkohë, për sa kohë na quani dhe u quajmë aleatë silluni si të tillë, të paktën publikisht.

Personalisht e kam shprehur mendimin tim për këtë koalicion edhe më parë. Kryeministrit tim do t’i kërkoja që më shumë se llogaritë në tavolinë, më shumë se ‘sondazhet’ apo analistët të dëgjonte elektoratin e PS-së për të ardhmen e koalicionit. Mendimet e socialistëve të thjeshtë dhe strukturave të partisë në bazë, janë analiza dhe sondazhi më i mirë i asaj që duhet të ndodh për koalicionin mes PS dhe LSI. Baza e socialistëve është shumë herë më e qartë për atë që është interes i Partisë Socialiste; mosvazhdimin e koalicionit me LSI-në.

E them këtë, sepse më rezulton se “këshillat” dhe mendimet e “urta” të ndonjë deputeteti të PS-së mbi dobinë e koalicionit nuk janë në interesin tonë, por të aleatit. Ka deputetë socialistë që sot shpalosin forcën apo avantazhet e LSI dhe kanë filluar mendojnë njëlloj si ministrat apo deputetët e LSI. Ndaj PS-ja , duhet të dëgjojë bazën socialiste, e cila e thotë hapur dhe qartë se më shumë humbëm se fituam nga aleanca me LSI. Nëse në 2013 u bë një gabim që po na kushton shtrenjtë është koha të mos përsëritet më. Sepse tani edhe PD nuk po kërkon largimin e qeverisë PS-LSI, por vetëm largimin e PS.