Lulzim Basha ka reaguar menjëherë pas shkarkimit të disa ministrave në qeveri. Duke folur nga “çadra e lirisë” Basha komentoi edhe zërat se Rama shiti ministrat tek ai që të ndalë protestë.

“Saimir Tahiri shërbeu denjësisht për kupolën kriminalizuese. E dimë se Ilir Beqaj shërbeu për krimin më të rëndë, shpenzimin e taksapaguesve shqiptarë që shkuan në xhepat e oligarkëve.

Ne e dimë që këta të dy dhe ata dy të tjerë janë shërbëtorë. Shkarkimi i çirakëve nuk na tendos.

Dje ata u kishin thënë disa gazetarëve se na shiti Ed Rama te Lul Basha që të ndalë protestën.

E kuptoni sa mbrapa janë, kujtojnë se Lul Basha është në gjendje të ndalë protestën, nuk e kuptojnë që kjo nuk ndalet deri sa republika e vjetër e krimit, korrupsionit, drogës të bjerë dhe të ngrihet republika e re. Por për këtë duhet të vdesë njëra që të lindë tjetra, nuk qëndrojnë përbri njëra tjetrës”- tha Basha.

Petrit Vasili, në cilësinë e zëvendëskryetarit të Lëvizjes Socialiste për Integrim iu ka shpërndarë sot të gjithë ministrave dhe deputetëve të kësaj partie një direktivë, thelbi i së cilës është heqja dorë nga deklaratat e tipit “Meta President” apo “Meta Kryeministër”.

Referuar tekstit të plotë të SMS-së, të siguruar nga “BalkanWeb”, që ka mbërritur sot në numrat e celularëve të deputetëve dhe ministrave të LSI-së, Vasili tërheq vëmendjen në dy mesazhet kryesore që sipas tij duhet të përcillen në publik nga zyrtarët më të lartë të LSI-së.
“Mesazhet tuaja duhet të përqëndrohen në:
1. Dialog për reformën zgjedhore për të mundësuar zgjedhje me standard dhe të pakontestuara si dhe zbatim me këmbëngulje të reformës në drejtësi.
2. “Një shans për të gjithë”, secilit sipas fushës së profesionit të tyre”, – shkruan Vasili në SMS-së.

Ky urdhër i ri, që ka dhënë sot numri dy i LSI-së vjen 24 orë pasi dy ministra të kësaj partie, Klajda Gjosha dhe Edmond Panariti e shprehën hapur në publik dëshirën e tyre që Ilir Meta të jetë kryeministër i vendit.

Vlen të theksohet gjithashtu se me anë të kësaj direktive, LSI duket se po kërkon të zbusë disi tonet brenda koalicionit qeverisës me PS-në dhe kryeministrin Rama, që thirrjet “Meta kryeministër” i kanë vlerësuar si provokim në prag të zgjedhjeve nga ana e aleatit të tyre kryesor.

TEKSTI I PLOTË I SMS

I/E nderuar.
Kryetari do të jetë jashtë vendit për disa ditë. Nuk duhet të ketë shpërqëndrim nga ju lidhur me mesazhin politik me deklarime Meta President, Meta Kryeministër, etj.
Mesazhet tuaja duhet të përqëndrohen në:
1. Dialog për reformën zgjedhore për të mundësuar zgjedhje me standard dhe të pakontestuara si dhe zbatim me këmbëngulje të reformës në drejtësi.
2. “Një shans për të gjithë”, secilit sipas fushës së profesionit të tyre.
Përshëndetje Petrit Vasili.

Ish- zëvendësministri i Ramës, Dritan Hila, u bashkua në cadrën e opozitës.
“Duhet të ulim barrierat dhe të komunikojmë me njëri tjetrin për një Shqipëri më të mirë.
“Unë ndaj shumë mendime që janë të përbashkëta me ju por më të shumta janë ato që nuk ndaj” por na mjafton vetëm një gjë që ne të bashkohemi” tha Hila
Nje Shqiperi pa perspektive-
Shumë po largohen, nuk janë vetëm 20- 30 vjeçarët por dhe 50 vjeçarë, miqtë e tij sepse nuk shohin perspektivë dhe kjo është një arsye pse duhet ngritur zëri dhe pse është e nevojshme që të lëmë mënjanë ndasitë dhe të diskutojmë me njëri tjetrin haptas pa dallim i majtë a i djathtë”
Dritan Hila: “Unë erdha këtu për ca gjëra shumë të thjeshta. Jam një 50 vjeçar. Një shok i imi ka ikur emigrant 50 vjeçar. Është e tmerrshme. Një tjetër shok i imi, po 50 vjeç ka ikur rishtas emigrant. Jemi përballë një situate ku nuk ka të majtë e të djathtë. Nuk po ikin vetëm 20- 30 vjeçarët po ikin 50 vjeçarët janë të trembur. Nuk shohin perspektivë jo vetëm për veten e tyre por as për fëmijët. Në këtë moment është e nevojshme që ndasitë tona të bien dhet ë diskutojmë me njëri tjetrin haptas pa dallim i majtë a i djathtë”
Një arsye tjetër pse ishte në çadër “është arroganca. Mua më tërbon kur një individ sillet me arrogancë ndaj një të pafuqishmi. Akoma më nevrikos kjo kur bëhet ndaj opozitës e cila në ditën më të keqe të saj ka përfaqësuar 35 % të shqiptarëve” tha Hila.

Një ngjarje e rëndë ka ndodhur paraditen e sotme në aksin rrugor Fushë Krujë-Milot pranë fshatit Luz, ku dy makina janë përplasur me njëri tjetrin. Raportohet se si pasojë kanë mbetur të plagosur rëndë të paktën katër persona të cilët janë dërguar me urgjencë në spital.

Po ashtu edhe dy makinat e përplasura kanë pësuar dëmtime të rënda.
Nga të dhënat paraprake mësohet se të plagosurit janë jashtë rrezikut për jetën.

Ndërsa Policia ka mbërritur në vendngjarje për të zbardhur shkaqet e aksidentit