Një djalë i mitur në Durrës është abuzuar seksualisht nga një djalë 15 vjeçar, të cilin e kishte shok lagjeje.

Adoleshenti A.E., banor i Durrësit, akuzohet se dje, në një shtëpi të pabanuar në lagjen Nr.12 të qytetit bregdetar, ka tentuar të kryejë marrëdhënie homoseksuale me 14- vjeçarin M.Ll., edhe ai nga i njëjti vendbanim me të dyshuarin.

Policia lokale tha sot se nisi procedimi penal në gjendje të lirë në ngarkim të 15-vjeçarit A.E., banues në Durrës.

Ka qenë i mituri i cili në sajë të rezistencës së bërë, ka mundur të shpëtojë nga synimet e atij që deri këtë të martë e dinte shok.

Mesohet se 14- vjeçari i cili është larguar duke vrapuar, i ka treguar çdo gjë të ëmës, duke bërë që së bashku të drejtohen për në polici për kallëzim.

I mituri ka treguar se kjo ishte hera e parë që i ndodhte diçka e tillë dhe se A.E., e kishte fqinj.

Për më tepër ai ka thënë se kishin dalë si zakonisht dhe teksa po rrinin pranë shtëpisë së pabanuar, 15- vjeçari ka tentuar të abuzojë seksualisht nëpërmjet dhunës, duke e goditur disa herë për shkak se nuk pranonte të bëhej “i tiji”.

Po ashtu, M.LL., i ka thënë policisë në prani të nënës dhe psikologut detajet e ngjarjes, se si fqinji nisi ta prekte me forcë, duke shtuar se as nuk i shkonte ndërmend një gjë e tillë, pasi A.E., nuk kishte lënë më herët sinjale të dyshimta.

Burime nga policia i thanë noa.al, se procedimi penal në gjendje të lirë ndaj 15-vjeçarit, u bë për shkak të moshës së tij të mitur.

Në ngarkim të tij për ndjekje të mëtejshme materialet i’u referuan Prokurorisë së Durrësit për veprën penale “marrëdhënie homoseksuale me dhunë me të mitur të moshës 14-18 vjeç e mbetur në tentativë”.

Ndahet nga jeta në moshën 68- vjeçare aktori i njohur shqiptar Bujar Lako. Ai gjeti vdekjen mëngjesin e sotëm si pasojë e një ataku kardiak.

Pavarësisht çdo tentative për t’i ardhur në ndihmë, Lako gjeti vdekjen. Aktori i ndjerë është vlerësuar me titujt “Nderi i kombit” dhe “Artist i merituar”.

Kush është Bujar Lako

Bujar Lako lindi në Tiranë më vitin 1948. Është një aktor i mirënjohur shqiptar.

Karrierën si aktor e fillon në Teatrin Kombëtar pas mbarimit të studimeve në Institutin e Lartë të Arteve në Tiranë, më 1973. Shumë shpejt bëhet i njohur nëpërmjet filmave “Në fillim të verës”. Pas kësaj ai realizon një sere figurash në rreth tridhjetë filma midis të cilëve mund të përmendim: “Gjeneral gramafoni”, “Udha e shkronjave”, “Ballë për ballë”, “Kthimi i ushtrisë së vdekur” dhe “Gurët e shtëpisë sime”, “Amiko” Cizia Zyke, produksion francez.

Në teatër ka interpretuar rreth shtatëdhjetë role, midis të cilëve “Vizita e inspektorit”, “Monserati”, “Vdekja e një komisionari”, “Vdekja e Dantonit”, “Ditë vere”, “Ariu” etj. Në vitin 1992 interepretoi në Teatrin e Kombësive ne Shkup në produksionin “Varrtarët” .

Në vitin 1975 nderohet me çmimin e veçantë për filmin “Përballimi”. Në vitin 1979 çmimin e veçantë për filmin “Ballë për ballë”. Në festivalin e filmit të vitit 1979 vlerësohet si aktori më i mirë i festivalit dhe nderohet me kupën e festivalit për rolin e Halit Beratit në filmin “Gjeneral gramafoni”.

Në vitin 1979 është lauruar me çmimin e Republikës së shkallës se parë, për filmat “Gjeneral gramafoni” dhe “Ballë për ballë”. Në vitin 1982 është nderuar me urdhrin “Naim Frashëri” klasi i parë, për interpretim në teatër. Në festivalin e filmit të vitit 1991 është shpallur aktori më i mirë për interpretimin e rolit të gjeneralit në filmin “Kthimi i ushtrisë se vdekur”.

Në vitin 1985 fiton titullin “Artist i Merituar”. Në vitin 2005 ka marë “Palmën e artë” si aktori më i mirë i festivalit në edicionin e 29 “Cairo International Film Festival” me filmin “Megic Eye” të regjisorit Kujtim Çashku. Ky është çmimi më i madh i marrë nga një aktor shqiptar në një festival të kategorisë A.

Në vitin 2013 iu dha titulli “Nder i Kombit” nga Presidenti i republikës.

Çdo ditë nga aeroporti i Rinasit, një deputet i Kuvendit të Shqipërisë kryen një udhëtim ajror të paguar nga taksapaguesit shqiptarë.

Një dokument që mban firmën e sekretares së Përgjithshme të Kuvendit të Shqipërisë, Albana Shtylla, informon Byronë e Kuvendit për fluturimet e kryera nga deputetët dhe zyrtarët e Kuvendit për periudhën janar-nëntor të vitit 2016.

Në shkresën e sekretares së Kuvendit sqarohet se vetëm për këtë periudhë të vitit 2016, deputetët e Kuvendit kanë kryer 362 udhëtime në total të paguara nga fondi i caktuar për fluturimet.

Sekretarja e Kuvendit, duke theksuar faktin se udhëtimet e zyrtarëve janë të shpeshta dhe shpeshherë urgjente, ka kërkuar ndryshimin e procedurës së prokurimit për blerjen e biletave, shkruan “Panorama”.

“Në zbatim të kuadrit të prokurimeve me ‘Marrëveshjen Kuadër’, me një fond limit në shumën 30 milionë lekë nga data 03.12.2015 (data e nënshkrimit të marrëveshjes) ishte menduar/ planifikuar që kjo të funksiononte deri në 31.12.2016. Por kjo procedurë me këtë fond limit u kontraktua deri në datat 7-10 nëntor 2016.

Gjatë periudhës janar- 10 nëntor nga Shërbimi i Marrëdhënieve me Jashtë janë ndjekur dhe realizuar 114 praktika udhëtimesh ndërkombëtare, ku kanë kryer 362 udhëtime deputetë dhe staf nga Kuvendi i Shqipërisë, nga të cilat 14 praktike me 70 pjesëmarrës kanë qenë në vendet e rajonit dhe ka vijuar udhëtimi me makina”, shkruan sekretarja e Kuvendit Shtylla në letrën e saj drejtuar Byrosë së Kuvendit.

Një personi në Shkodër i është bërë atentat me armë zjarri, duke e lënë të plagosur.

Ngjarja ka ndodhur rreth orës 11.50 të ditës së sotme, kur në spitalin e Shkodrës është dërguar një person i plagosur.

Efektivët e policisë të sinjalizuara për ngjarjen, konstatuan se ka mbetur i plagosur me armë zjarri 44- vjeçari Syrri Mehmetaj, banues në Shkodër, i cili ndodhet në gjendje të rëndë shëndetësore.

Në territorin e spitalit është gjetur dhe sekuestruar autovetura tip “Benz” me targë AA 031 NL, e dyshuar si e goditur me armë zjarri.

Lidhur me këtë ngjarje janë ngritur pika kontrolli si dhe po bëhet krehja e zonës me qëllim kapjen e autorëve të dyshuar dhe vendosjen para përgjegjësisë penale.

Aktualisht grupi hetimor po vazhdon veprimet hetimore për zbardhjen e plotë të kësaj ngjarje.