Gjykata e Durrësit ka vërtetuar mandatin e Valbona Sakos si kryebashkiakja e re e Durrësit.
Vërtetimi erdhi pas kërkesës për ta bërë këtë gjë që i ka dërguar Partia Socialiste dje, firmosur nga kryesocialisti Edi Rama.
Shorti i ra gjyqtarit Shpëtim Reka, i cili mori një vendim të ndryshëm nga kolegia e tij që i quajti të pavlefshme zgjedhjet për shkak të regjistrimit të Bindjes Demokratike përtej afateve.
Por sipas asaj që publikon ish kryeministri Sali Berisha, referuar mesazhit të një qytetari, gjyqtari në fjalë është i afërm i këshilltarit të kryeministrit Edi Rama, Endri Fuga.
“Narkogjykatësi Reka kushuri i Sugar Fugës”, shkruan Berisha, ndërsa fton të lexohet edhe mesazhi i qytetarit digjital.
“Doktor desha vetem tju informoja se qe gjykatesi qe dha sot mandatin ne durres, Shpetim Reka eshte djali xhaxhait te mamase se Endri Fuges, kjo eshte me se e sakt dhe per kedo qe ka dyshime eshte shume kollaji e vertetushme”.
