I paraqitur si kriminelë, shqiptarët ia bëjnë një video të veçantë aktorit

0
2136

Shqipëria në filmin “Taken”, ku luan aktori i madh, Liam Neeson, paraqitet si një vend me kriminelë e gangsterë, përceptim ky i gabueshëm.

Në një video të publikuar së fundmi nga personazhe të ndryshme shqiptare, e kanë ftuar aktorin ta vizitojë Shqipërinë dhe të bindet se ajo që paraqitet në film nuk është e vërtetë.

Në këtë fushatë të nisuar nga aktori Florian Binaj e persona të tjerë nga Tropoja e shumë vende të tjera të Shqipërisë, ftohet aktori hollywoodian ta vizitojë tokën shqiptare, ta provojë burekun dhe ta vërtetojë se Shqipëria është një vend i bukur dhe tepër i sigurt për ta vizituar dhe për të jetuar.