“Jemi kudo në Shqipëri”, Balluku nga Hidrocentrali i Vaut të Dejës: Kemi bërë shkarkime, në të kundërt do kishim përmbytje masive

0
112
Zjarr Televizion Ad This is a sample article. ...

Ministrja e Infrastrukturës dhe Energjisë, Belinda Balluku ndodhet në Hidrocentralin e Vaut të Dejës ku dhe ka monitoruar nga afër situatën.

Ajo tha se u është dashur që të bëjnë shkarkime të organizuara, pasi në të kundërt do të kishim përmbytje masive.

Ministrja nuk ka kursyer një koment as dhe për opozitën, duke thënë se dizinformojnë qytetarët kur ka emergjenca.

“Kemi pasur reshje me intensitet të lartë që kanë qenë mbi parashikimet tona dhe na është dashur të bëjmë shkarkime të organizuara. Në të kundërt do të kishim përmbytje masive. Kemi pasur një zonë të ngarkuar atmosferike. Fronti po spostohet në jug. Atje situata është më ndryshe. Atje nuk do të kemi situatën njësoj si në veri. Nuk jemi këtu për të bërë retorika politike se nuk është ky momenti.

Kemi 9 agregatë në punë dhe të vetmit që janë të ndalur janë ato të Fierzës. Pas një viti shumë torturues fushës energjetike, do të mund të kemi prurje të konsiderueshme në hidrocentralin e Fierzës.  Ne e ndjejmë detyrim të informojmë se qytetarët dizinformohen nga njerëz që nuk e prekin terrenin dhe kur ka emergjenca e shfrytëzojnë për qëllime politike.

Ne e bëjmë pavarësisht punës që kemi dhe përgjegjësisë që duhet të mbajmë. Na është dashur të lëvizim sot kudo në Shqipëri”, tha Balluku.

Zjarr Tv Ad