Nga sot është hapur Portali i Maturës Shtetërore online për aplikime, për të gjithë kandidatët që nuk kanë aplikuar me formularin A1/A1Z në Portalin e Maturës Shtetërore 2021.
Lajmin e ka bërë me dije ministrja e Arsimit, Evis Kushi. Kushi me anë të një postimi në rrjetet sociale shkruan se aplikimet janë hapur pas kërkesave të shumta të të rinjve që kanë përfunduar maturën dhe ende nuk kanë plotësuar formularët A1/A1Z.
Portali do të jetë i hapur nga data 8-13 shtator 2021.
“Mundësi e re për të plotësuar formularin A1/A1Z
Pas kërkesave të shumta të të rinjve që kanë përfunduar maturën dhe ende nuk kanë plotësuar formularët A1/A1Z, i ftoj të shfrytëzojnë mundësinë për të kryer këtë aplikim në datat 8-13 shtator 2021.
Suksese të gjithëve!” shkruan Kushi në postimin e saj.
