Punonjësi indian humbi jetën aksidentalisht në fabrikë, arrestohen inxhineri dhe tekniku i firmës në Elbasan

0
46
Zjarr Televizion Ad This is a sample article. ...

Një punonjës indian në fabrikën e riciklimit të aluminit në Elbasan, humbi jetën ditën e djeshme pas një aksidenti në punë.

Në lidhje me këtë ngjarje janë arrestuar tre persona: inxhinieri i firmës, drejtuesi teknik dhe një punonjës, i cili akuzohet për veprën penale: “Shkelja e rregullave të mbrojtjes në punë”.

Ndërsa janë proceduar në gjendje të lirë dy administratorët e firmës, shtetasit: I. L., 52 vjeç, banues në Gramsh dhe A. K., 34 vjeç, banues në Tiranë.

Njoftimi i Policisë:

Specialistët për Hetimin e Krimeve të Komisariatit të Policisë Elbasan, në vijim të veprimeve të kryera në drejtimin e Prokurorisë, për zbardhjen e ngjarjes së ndodhur ditën e djeshme, në fabrikën e riciklimit të aluminit, në ish-kombinatin metalurgjik, ku humbi jetën pasi u dëmtua aksidentalisht nga një pajisje pune, shtetasi O. P., 45 vjeç, janë arrestuar në flagrancë për veprën penale “Shkelja e rregullave të mbrojtjes në punë”, 3 punonjës të fabrikës, shtetasit:

-K. B., 46 vjeç, banues në Elbasan (shtetas indian), drejtuesi i mjetit të punës (pirun) që ka dëmtuar aksidentalisht shtetasin O. P., gjatë procesit të punës;

-A. R., 29 vjeç, banues në Elbasan (shtetas indian), me detyrë inxhinier përgjegjës;

B., 31 vjeç (shtetas shqiptar), banues në Gramsh, me detyrë drejtues/përgjegjës teknik.
Gjithashtu, për këtë rast u referuan materialet në Prokurori ku nisi procedimi në gjendje të lirë për 2 administratorët e firmës, shtetasit:
L., 52 vjeç, banues në Gramsh dhe A. K., 34 vjeç, banues në Tiranë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit Elbasan, për veprime të mëtejshme.

Zjarr Tv Ad